اسلام آباد۔ 20 جنوری (اے پی پی) وزیراعظم محمد شہباز شریف گوادر بالی پٹ آن جہاز آتا بناکننگ آ است جمی نا درشانی ءِ کرسا پارینے کہ گوادر ءِ نیامی و دے ٹکی ایشیاء و دے ٹک نیامی و خلیجی ملک آتا نیام اٹ اسہ اہم ءُ رابطہ اس جوڑ کننگ کن اسہ پین مزل نا نشان اسے عبور کننگا، بالی پٹ انا فعال مننگ نئے بیرہ پاکستان بلکن …
گوادر بالی پٹ انا فعال مننگ نئے بیرہ پاکستان بلکن مچ آ ڈیہہ اٹی مواصلاتی رابطہ غاتا مون آ دننگ نا کنڈآ اسہ اہم ءُ گام اسے، وزیراعظم محمد شہباز شریف
گیشتریں ھال
اسلام آباد۔ 20 جنوری (اے پی پی) وزیراعظم محمد شہباز شریف گوادر بالی پٹ آن جہاز آتا بناکننگ آ است جمی نا درشانی ءِ کرسا پارینے کہ گوادر ءِ نیامی و دے ٹکی ایشیاء و دے ٹک نیامی و خلیجی ملک آتا نیام اٹ اسہ اہم ءُ رابطہ اس جوڑ کننگ کن اسہ پین مزل نا نشان اسے عبور کننگا، بالی پٹ انا فعال مننگ نئے بیرہ پاکستان بلکن مچ آ ڈیہہ اٹی مواصلاتی رابطہ غاتا مون آدننگ نا کنڈآ اسہ اہم ءُ گام اسے، گوادر بالی پٹ انا فعال مننگ آن سی پیک آن پاکستان وڈیہہ انا شونداری نا تغ پورو مریک۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ اینو االلہ نا فضل و کرم اٹ گوادر ءِ نیامی و دے ٹکی ایشیاء و دے ٹک نیامی و خلیجی ملک آتا نیام اٹ اسہ اہم ءُ رابطہ اس جوڑ کننگ کن اسہ پین مزل اسے عبور کننگا۔ اوپارےکہ گوادر بالی پٹ انا فعال مننگ سی پیک آن پاکستان و ڈیہہ انا شونداری نا تغ ءِ پورو کیک۔ وزیراعظم پارے کہ اینو نن چینی صدر شی جن پنگ و محمد نوازشریف نا سی پیک نا کمک اٹ پاکستان و ڈیہہ انا شونداری نا اسیجائی عزم انا پوروی نا پین خڑک آ سرمس، اللہ نا فضل وکرم اٹ سی پیک نا شروعات محمد نواز شریف نا دور اٹ مس و دانا اہم مزل نا نشان ہم اونا کماشی ٹی عبور مننگ ءِ۔ وزیراعظم پارے کہ کنتون اوار مچ آ قوم چینی سرکڑدہ و چینی حکومت نا منت وار ءُ، جہانی آسراتی آن شپ گوادر بالی پٹ پاک چین سنگتی نا بڑزکو درور ءِ، چین پاکستان نا ہمو بے مٹ آ ایلم ءِ ہرامدام پاکستان نا شونداری وشونداری ٹی اہم کڑد ادا کرے۔ وزیراعظم پارےکہ وزیردفاع و ہوابازی خواجہ آصف، وزیراعلیٰ بلوچستان سرفرازبگٹی نا کماشی ٹی حکومت بلوچستان ، سیکورٹی آ سلوک آفیسر ، کارندہ و عسکری سرکڑدہ غاتے بالی پٹ انا تفنگ کن دے و نن خواری آ خراج تحسین پیش کیوہ۔
