بنجائی وزیر حوالکاری عطاء اللہ تارڑ نا مسکوہی گورنر خیبرپختونخوااقبال ظفر جھگڑا نا چنکا ایلم جاوید ظفر جھگڑا نا رسم قل اٹی شرکت، ایماندار نا روح انا ثواب کن دعاپاتیا

پشاور۔ 20 جنوری (اے پی پی) بنجائی وزیر حوالکاری ، شینکاری ، قومی میرات و دودوربیدہ عطاء اللہ تارڑ دوشنبے نادے آ داڑے مسکوہی گورنر خیبرپختونخوا اقبال ظفر جھگڑا نا اُراغا ہنا و اونا چنکا ایلم جاوید ظفر جھگڑا نا رسم قل اٹی بشخ ہلک۔ بنجائی وزیر حوالکاری اقبال ظفر جھگڑاتون اوڑدہی کرے وایماندار نا روح انا ثواب کن دعاپاتیاکرے۔ داوخت آ بنجائی وزیر حوالکاری عطاء اللہ تارڑ پارے کہ اقبال ظفر جھگڑا نا ایلم نا کزیت پدسلوک آخاہوت کن بے بدل ءُ نسخان و بھلو صدمہ اسے۔ ڈکھیائی نا داساہت اٹی غمزدہ خاہوت تون تفوک اُن۔ اودعاکرے کہ اللہ تعالیٰ ایماندار نا بخشش ءِ کے، درجہ غاتے بڑزکے و خاہوت آتے صبر وجمیل عطاکے۔