غٹ بھرتی تے میرٹ آ کننگے، حق دار ءِ اونا بایدے حق ملے، وزیراعلیٰ بلوچستان

کوئٹہ۔ 20 جنوری (اے پی پی) وزیراعلیٰ بلوچستان میر سرفراز بگٹی تون دوشنبے نادے آ صوبائی وزیر تعلیم راحیلہ حمید خان درانی اوڑدہی کرے۔ راحیلہ حمید خان درانی وزیراعلیٰ بلوچستان ءِ’’سردار بہادر خان ویمن یونیورسٹی ‘‘ نا رداٹ استاد آتا بھرتی نا بابت پیش رفت آن معلومدار کرے۔ وزیرتعلیم پارے کہ ’’ایس بی کے‘‘ نا رداٹ بھرتی نا عمل آخیریکو ریسہ غاتیٹی ءِ، بھرتی 2019 نا پالیسی  نارداٹ میرٹ آ پک کننگ انگ ءِ، بروک آ یک و نیم آن اِراہفتہ ٹی پراسس ءِ پورو کننگک۔ داوخت آ وزیراعلیٰ بلوچستان میر سرفراز بگٹی وزیر تعلیم بلوچستان ءِ پارت کرے کہ غٹ بھرتی تے میرٹ آ کننگے، حق دار ءِ اونا بایدے حق ملے، بھرتی نا عمل ءِ زوت پورو کرسا استاد آتا کمتی ءِ مر کننگے غٹ تعلیمی ادارہ غاتے فعال ہُننگ خوانہ۔