اسلام آباد۔20جنوری (اے پی پی): بنجاھی وزیر خزانہ سینیٹر محمد اورنگزیب ءَ سوئس ءِ شہر ڈیووس ءَ شتگ انت کہ آ جھان ءِ اقتصادی فورم 2025 ءِ سالانہ دیوان ءَ بہر بہ زوریت۔ وتی بھر زوری ءِ ساھت ءَ آ جتاجتائیں ملک ءُ میاں اوستمانی ادارگ آنی چاگردی، بیپاری ءُ کاروباری سروک آں گوں گند ءُ نند کنت ءُ ھزانگ ءِ وزیر ءَ ملک ءِ اقتصادی منظر نامہ ءَ را ھاسیں رنگ ءَ پدر کنت وھدیکہ جتاجتائیں سیشن ءُ گپ ءُ تران ءَ گوں تران کنت آ فورم ءِ ساھت ءَ نوک دراتکگیں معیشت آنی ھوالگ ءَ ھم گپ ءُ تران کنت۔ .آئی ءَ چہ گیش بوھوکیں جھان ءِ قرضہ ءِ بوجھ ءِ سر ءَ مزنیں تک ءِ گپ ءُ تران ءِ تہ ءَ بھر زوری کنگ بیت وزیر ھزانگ ءِ تہ ءَ ملاٹی پالو ءِ نظام ءِ بدلی ءُ قرضہ ءِ پائیداری ءِ وسیلگ ءَ مھکمیں ءُ لچکداریں معیشت آنی جوڑ کنگ ءِ رھبند ءِ سر ءَ تران کنت۔ فورم ءِ تہ ءَ وزیر ءِ ھزانگ ءَ تجارت ءُ سرمایہ کاری ءِ دیمروئی ءِ تہ ءَ نوکیں ٹیکنالوجی ھاسیں رنگ ءَ اے آئی ءُ آٹومیشن ءِ انقلابی اثر ءِ سر ءَ تران کت۔ آ مزن تک ءِ گپ ءُ تران ءَ پینلسٹ ءِ بستار ءَ ھم بھر زوری کنت ۔ فورم ءِ تہ ءَ وتی بھر زوری ءِ وھد ءَ وزیر ءِ ھزانگ ءَ میاں اوستمانی مالیاتی ءُ کاروباری ادارگ ، پائیدار دیمروئی ءِ تہ ءَ ھواریں میاں اوستمانی ادارگ ءُ سرمایہ کاری ءُ تجارتی بینک ، ھاسیں رنگ ءَ میاں اوستمانی تک ءِ سرمایہ کاری بینک آنی گوما ھم گند ءُ نند کنت۔ وزیر ”ڈیٹا پاکستان“ ءِ سرھال آنی سر ءَ پاتھ فائنڈر گروپ ءِ نیمگ ءَ برجم داشتگیں دو جتا جتائیں گپ ءُ تران آنی تہ ءَ بھر زوری کنت ءُ تر ءُ تاب ءِ ساھت ءَ وزیر ھزانگ محمد اورنگزیب گچین کنگ بوتگ۔ ورلڈ اکنامک فورم ءِ 55می سالانہ دیوان ’’سمارٹ ٹیکنو بائیوٹیکنالوجی ءِ دور ءَ گوں وتی ردوم ءِ واستہ کمک کنگ‘‘ ءِ نعرہ ءِ چیر دستی ءَ برجم دارگ بوھگ ءَ اِنت۔ ورلڈ اکنامک فورم ءِ سالانہ دیوان ءَ بازیں ملک ءُ حکومت ءِ سروک، نجی شعبہ ءُ سول سوسائٹی ءِ رہشون بہر زورگ ءَ انت۔ فورم ءِ تہا نجی شعبہ، ورنا رہشون، سول سوسائٹی، ءُ اکیڈمک ادارگ آنی یک ہزار ءَ چہ گیش مزنیں کچ ءِ نمائندگ ہم بہر زور اَنت۔ فورم ءَ حکومت ءُ مزنیں میاں اوستمانی ادارگ ءُ ادارگ آنی نیام ءَ جتا جتائیں اقتصادی ءُ دیمروئی شوبگ آنی تہ ءَ شریکداری ءُ میاں اوستمانی کمک ءِ بنیاد ءَ گیواری کنگ بیت۔
