اسلام آباد۔19جنوری (اے پی پی): بنجاھی وزیر برائے میری ٹائم قیصر احمد شیخ ءَ پورٹ ہاؤس کراچی ءَ امریکی قونصل جنرل اسکاٹ اربوم ءِ شرپ ءَ گالا ڈنر ءِ میزبانی کت۔ یک شمبے ءِ روچ ءَ وزارت بحری امور ءِ نیمگ ءَ جاڑی بوتگیں بیان ءِ رد ءَ مراگش ءَ پاکستان نیشنل شپنگ کارپوریشن ءِ ٹرسٹی شرمیلا فاروقی ءَ بھر زوری کتگ ات، کراچی پورٹ ٹرسٹ ءُ پورٹ قاسم اتھارٹی ءِ نامداریں کاروباری مردم آنی تہ ءَ بھر زوری بوتگ ات۔ ءَ چہ پاکستان ءَ ھم بھر زرتگ۔ اے موہ ءِ سر ءَ شرپداریں مہمان آنی نیام ءَ حیال ءُ لیکہ درشان کنگ بوت ءُ پاکستان ءِ میری ٹائم سیکٹر ءَ دیمروئی ءُ میاں اوستمانی کمک ءِ ارزشت ءِ سر ءَ زور پر دات۔ قیصر احمد شیخ ءَ اے گپ ءِ سر ءَ زور پر دات کہ پاکستان ءِ حکومت میاں اوستمانی براتی ءِ گوما مھکمیں سیادی ءِ جوڑ کنگ ءِ واستہ جزمیگ اِنت ءُ ملک ءِ میری ٹائم سیکٹر ءَ را گیش دیمروئی دیگ ءِ واستہ گامگیج کنگ ءَ اِنت۔
