لاہور۔19جنوری (اے پی پی): بنجاھی وزیر ءِ اھوالکاری ءُ نشریات عطا اللہ تارڑ ءَ یک شمبے ءِ روچ ءَ وتی حلقہ این اے 127 ءِ تر ءُ تاب کتگ ءُ یونین کونسل 240 ءَ سڑک ءُ سیوریج ءِ جوڑیشت ءَ ھوار ریکارڈ دیمروئی منصوبگ آنی بنگیج کتگ۔ اے موہ ءِ سر ءَ حلقہ ءِ الس ءَ گوں گشتانک دیان ءَ بنجاھی وزیر ءَ گوشت کہ گچین کاری ءِ ساھت ءَ وعدہ کتگیں دیمروئی کار مرچی سرجم بوھگ ءَ انت۔ آئی ءَ گْوشتگ کہ چُک ءَ اے گپ ءِ سرپدی رستگ کہ گھڑیال ءِ دز عمران نیازی ءَ 190 ملین پونڈ لٹ داتگ ءُ ھما کہ دگراں دز گُشیت آ ملک ءِ مستریں سرٹیفائیڈ دز ثابت بوتگ۔ آئی ءَ گوشت کہ ھما مردم کہ ریاست مدینہ ءِ نام ءَ داتگ آ اسرائیل ءَ چہ درملکی فنڈز زورگ ءُ ملک ءِ ھلاپ ءَ کارمرد کنگ ءَ برجاہ اِنت۔ اقتصادی جاور ھال ءِ ھوالگ ءَ آئی ءَ گوشت کہ استیں حکومت ءِ یک سال ءِ تہ ءَ دگنیا اے گپ ءَ منگ ءَ اِنت کہ پاکستان ءِ معیشت گہتر بوھگ ءَ اِنت آ ھم نوں سرمایہ کاری ءِ واستہ پاکستان ءَ آھگ ءَ اَنت، ایشی ءَ را پی ٹی آئی ءِ بُن ھشت ایر کنوکیں چیئرمین ءَ گوشت۔ من ءَ زھر بوت۔ مسلم لیگ ن ءِ صدر نواز شریف ءِ سروکی ءَ مزن وزیر محمد شہباز شریف ءُ پنجاب ءِ سر وزیر مریم نواز شپ ءُ روچ محنت کنگ ءَ انت۔ زوت گیس ءُ بجلی ءَ ہوار وردن ءُ وراک ءِ چیزانی نہاداں کم کنگ ءَ چہ عام مردم ءِ زندمان ءَ را آسان جوڑ کنگ بیت دیمروئی ءُ وشحالی مسلم لیگ ن ءِ منشور انت۔
