لاہور ۔19جنوری (اے پی پی): بنجاھی وزیر ءِ اھوالکاری، نشریات، راجی ورثہ ءُ دود ءُ ربیدگ عطا اللہ تارڑ ءَ یک شمبے ءِ روچ ءَ دنیا میڈیا گروپ ءِ چیئرمین میاں امیر محمود ءِ گس ءِ تر ءُ تاب کتگ ءُ آئی ءِ ھاندان ءِ بیرانی ءِ سر ءَ دلپدردی درشان کتگ۔ بیران بوتگیں جان ءِ ھاترا پاتیہ ونتگ۔ اے موہ ءِ سر ءَ بنجاھی وزیر ءِ اھوالکاری ءَ گوشت کہ میاں عامر محمود ءِ ترو ءِ بیرانی ءِ ھال ءِ اشکنگ ءَ سک دلپدرد بوتگ بیران بوتگیں واستہ آئی ءَ دعا کت ءُ گوشت کہ ھدا وند شمارا صبر بہ دیات۔ آئی ءَ گوشت کہ اے غم ءِ ساھت ءَ غم ءِ آماچیں ھاندان ءِ مردم آنی غم ءَ گوں ھمگرنچ آں ۔ آئی ءَ دعا کت کہ اللہ تعالیٰ بیران بوتگیں مردم ءَ را وتی رحمت ءِ تہ ءَ بُرزیں مقامے بہ دنت ءُ پُشپدیں کھول ءَ را صبر ءُ اوپار بہ دنت۔ اے موہ ءَ بنجاھی وزیر ءِ اھوالکاری ءِ ھمراھی ءَ صوبائی اسمبلی ءِ باسک میان عمران جاوید ھم ساڑی ات۔
