نائب  مزن وزیر ءُ  دری کارانی وزیر ءِ سروکی ءَ دیوان ءَ اوگان شہری آنی سیمی ملک آنی تہ ءَ جاہ منند کنگ ءِ ھوالگ ءَ جیڈھ آناں چار ءُ  تپاسی کنگ بوت، درئی کار آنی کارگس

اسلام آباد۔18جنوری  (اے پی پی):نائب مزن وزیر ءُ  درئی کارانی وزیر سینیٹر محمد اسحاق دار ءِ سروکی ءَ دیوان ءَ اوگان شہری آناں سیمی ملک ءَ دیم دیگ ءِ ھوالگ ءَ جیڈھ آنی سر ءَ سرجمیں رنگ ءَ چار ءُ  تپاسی کنگ بوت۔ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں پریس ریلیز ءِ رد ءَ دیوان ءَ مراکش ءِ کش ءُ  گور ءَ بوتگیں کشتی ءِ حادثہ ءِ سر ءَ ھم سرجمیں رنگ ءَ چار ءُ  تپاسی کنگ بوتگ کہ ایشی ءِ آسر ءَ بازیں مردم بیران بوتگ اَنت۔ وزیر ءِ درئی کار ءَ اے موہ ءِ سر ءَ حکومتی پسو ءِ ھمگرنچ کنگ ءِ ہدایت جاری کت ءُ  وزارت درئی کار ءُ  تہی کار آناں ہدایت کت کہ آ سانحہ ءِ آماچیں پاکستانی آناں جوانیں ءُ  وھد ءِ سر ءَ کمک پجاری ءَ را دل یکیمی بہ کن اَنت۔ گند ءُ  نند ءَ وزیر ءِ درئی کار، وزیر ءِ تہی کار ءُ  اے دگہ کارندہ آں ھم بھر زوری کت۔