اسلام آباد۔18جنوری (اے پی پی):سینیٹ ءِ چیئرمین سید یوسف رضا گیلانی ءَ گوشت کہ جسمانی ءُ ذھنی جان سلامتی کجام ھم راج ءِ دیمروئی ءِ مستریں بن ھشت انت ایوک ءَ جان سلامتیں راج یک مھکمیں معیشت ءُ وشھالیں چاگرد ءِ جوڑ کت کنت۔ مارا وتی روچ مرزی زند ءِ تہا ورزش، متوازن وردن ءُ جوانیں رویہ ءِ ھوار کنگ ءِ ضلورت انت اے ھیال ءُ لیکہ سینیٹ ءِ چیئرمین سید یوسف رضا گیلانی ءَ فیڈریشن آف پاکستان چیمبرز آف انڈسٹری ءِ نیمگ ءَ برجم داشتگیں مراگش ءِ تہ ءَ مستریں مہمان ءِ رنگ ءَ درشان کنگ بوتگ انت۔ .اسلام آباد پولیس لائنز ءَ برجم داشتگیں جان سلامتی ءُ فٹنس گالا ءِ مراگش ءَ گوں تران کنان ءَ سید یوسف رضا ءَ گوشت کہ مراگش ءَ پولیس ءِ قربانی آنی ھاسیں رنگ ءَ شھید آنی کھول آناں ستا ءِ درشانی کنگ بوتگ۔ ایف پی سی سی آئی ءِ اے ھاسیں گامگیج ءِ سر ءَ دلگوش گور کنگ ءَ گوشت کہ اے مراگش پولیس ءِ ھزمت ءُ قربانی آنی منّگ اِنت۔ آئی ءَ گوشت کہ مئے ذمہ واری اِنت کہ ما وتی پولیس ءِ منت ءَ بہ گر ایں، چیاکہ آ مئے ایمنی ءُ امن ءُ ایمنی ءِ واستہ وتی جاناں قربان کن اَنت سید یوسف رضا گیلانی ءَ شھید آنی کھول ءِ مردم آناں گوں تران کنان ءَ گوشت کہ سرجمیں راج، پارلیمنٹ ءُ حکومت اوشتاتگ اَنت۔ گوں شما شمئے تاوان مئے اجتماعی تاوان اِنت بلے ما اے گپ ءِ سر ءَ دلجم ایں کہ شمئے نزیکیں مردمانی قربانی بے سوب نہ بیت چیئرمین سینیٹ ءَ نجی شعبہ ءَ را زور پر دات کہ آ جان سلامتی ءِ دیمروئی ءِ تہ ءَ شریک بہ بنت۔ -نجی شراکت داری آئی ءَ اسکول ءِ نصاب ءِ تہا جسمانی تعلیم ءِ ھوار کنگ ءُ جسمانی سرگرمی ءِ فائدگ ءِ بابت ءَ سرپدی ءِ مہم ءِ بندات کنگ ءِ سفارش کتگ ات۔ fitness ءِ رد ءَ سید یوسف رضا گیلانی ءَ لس جان سلامتی ءِ دیمروئی ءِ ارزشت ءِ بابت ءَ گپ جت ءُ امیت درشان کت کہ جان سلامتی ءُ فٹنس گالا ءِ سلسلہ ءَ برجم داشتگیں مراگش ءَ چہ آیوکیں وھد ءَ یک جوانیں ءُ جان سلامتی ءِ چاگرد ءِ تہ ءَ کمک رس ایت۔ ءِ جوڑ کنگ ءَ مزنیں کردے پیلو کنت مراگش ءَ سینیٹ ءِ چیئرمین سید یوسف رضا گیلانی ءَ مراگش ءَ بہر زوروک آنی شگر ءُ منت گپت ءُ مراگش ءِ کامیابیں برجم دارگ ءِ سر ءَ جارچین آناں مبارک بات دات، مراگش ءَ سفارتکار ءُ کمیونٹی ءِ سروک ھم ساڑی اتنت۔
