اسلام آباد۔18جنوری (اے پی پی):اردو لبزانک ءِ درپشناکیں استار سعادت حسن منٹو ءِ بیرانی ءِ روچ شمبے ءِ روچ ءَ برجم دارگ بیت اردو ءِ افسانہ ءِ ذکر ءِ ہچ وڑیں دیمدرائی ءِ زلورت نہ اِنت۔ دنیا ءِ اردو لبزانک ءِ نبشتہ کار سعادت حسن منٹو 11 مئی 1912 ءَ لدھیانا ءَ ودی بوتگ۔ آ وتی دور ءِ نبشتہ کارانی تہا سک نامدار بوتگ سعدات حسن منٹو ءِ نبشتانکانی دائرہ کار مال ءُ مڈی ءِ چاگردی بہر ءُ بانگ ءِ بے قانونی ءُ ہندوستان ءِ بہر ءُ بانگ ءَ پیسر ءُ پد انسانی حقانی لگتمالی بوتگ۔ سیاہ حاشیہ، لاؤڈ اسپیکر، گنجیں فرشتہ ءُ نمرود ءِ الوہیت آئی ءِ کسہانی تہا بے دروریں شنگ ءُ تالان بوت انت۔ جنوری 1955 ءِ سردیں سھبے ءَ ھندوستان ءُ پاکستان ءِ بے ترسیں نبشتہ کار ءُ اردو لبزانک ءِ تہ ءَ راجدپتری آزمانک ءُ کسہانی کمک کنوک سعادت حسن منٹو بیران بوت۔ سرکار ءَ سعادت حسن منٹو ءِ 50 سالی بیرانی ءِ روچ ءَ 5 کلدار ءِ یادگاری ٹکٹ ھم شنگ کتگ ات کہ سعادت حسن منٹو ءَ وتی دور ءِ تہ ءَ یک بے دروریں بستارے ءِ ھاترا نہ ایوک ءَ یک بے دروریں ھزانگے جوڑ بوتگ ات۔ ھم یلہ دات۔ سعادت حسن منٹو ءِ بیرانی ءِ روچ ءِ درگت ءَ اکیڈمک ءُ لبزانکی پڑاں آئی ءِ ھزمتانی ھاتر ءَ آئی ءَ را وشیں شگر ءُ منت گپت۔
