اسلام آباد۔ 17 جنوری (اے پی پی) وزیراعظم محمد شہباز شریف کرنٹ اکاؤنٹ نسخان پدریسہ مسٹ میکوتُو سرپلس مننگ نا خیرمقدم کرسا پارینے کہ مثبت زرگزرانی ٹک آتا کاروباری برادری نا حکومت و اونا زرگزرانی پالیسی تیٹی ودوک آ پت انا ڈیک ءِ۔ جمعہ نادے آ وزیراعظم آفس نا پریس ونگ آن جاری بیان نا رداٹ وزیراعظم پارے کہ اکتوبر ، نومبر ودسمبر 2024اٹی کرنٹ اکاؤنٹ نسخان پدریسہ سرپلس مننگ زرگزرانی پالیسی تا سہی سمت مننگ نا سند ءِ، برجامالی سال انا اولیکو شش تُواٹی 1.2 ارب ڈالر سرپلس ئس، برجامالی سال اٹی سرپلس ءِ پین ودفنگ کن کوشست کننگ ءِ۔ وزیراعظم پارے کہ مثبت زرگزرانی ٹک آتا کاروباری برادری نا حکومت و اونا زرگزرانی پالیسی تیٹی ودوک آ پت انا ڈیک ءِ، ’’اڑان پاکستان‘‘ کون آ پروگرام آن ملکی زرگزران ءِ پین سوگوی ملک۔
