اسلام آباد۔ 17 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار نا کماشی ٹی صنعت کن بجلی نا ٹیرف آ ارٹ میکو دیوان جمعہ نادے آ داڑے اڈ ہلک۔ نائب وزیراعظم نا آفس آن جاری بیان نا رداٹ دیوان اٹی وزیر برائے بجلی و اقتصادی امور ڈویژن، وزیراعظم نا خصوصی کمکار بجلی، وزیر مملکت خزانہ و آئی ٹی ، سیکرٹریز خزانہ، پاور اینڈ آئی ٹی ، چیئرمین ایف بی آر و نیپرابشخ ہلکر۔ نائب وزیراعظم وزارت خزانہ، آئی ٹی و پاور نا کنڈآن پیش کروک سلاہ تا جاچ ءِ ہلک و تعلقدار محکمہ غاتے پارت کرے کہ او بجلی نا صنعتی صارف آتے ریلیف فراوان کننگ کن کارروائی نا بناءِ کیر۔
