اسلام آباد۔ 17 جنوری (اے پی پی) قومی اسمبلی ءِ پاننگانے کہ ملک اٹی داوخت آ 33 آن زیات بالی پٹ ارے، کوپ 29اٹی کیہی ملک آک و ادارہ غاک امنا کریر کہ موسمیاتی بدلی تا سوب آن پاکستان ءِ ویل مون تروک ءِ۔ جمعہ نادے آ قومی اسمبلی نا دیوان اٹی شہلارضانا سوج آ پارلیمانی سیکرٹری احمد عتیق انور ایوان ءِ پارے کہ ملک اٹی داوخت آ 33 آن زیات بالی پٹ ارے، سیدوشریف، سبی ، خضدار، مظفرآباد، و راولاکوٹ تون اوار کیہی چنکاشار تیٹی بالی پٹ ساڑی ارے۔ شہریار مہر و عالیہ کامران نا ضمنی سوج آ اوپارے کہ کوپ 29اٹی کیہی ملک آک و ادارہ غاک امنا کریر کہ موسمیاتی بدلی تا سوب آن پاکستان ءِ ویل مون تروک ءِ۔ جینوا کانفرنس اٹی پاکستان کن 9 ارب ڈالر نا قومی کریسس۔ اسپیکرپارے کہ جنیوا کانفرنس اٹی اوہم ساڑی ئسک و اوٹی کیہی ملک و ادارہ غاک پاکستان کن امداد نا قول کریسر ولے جہانی بینک و ایشیائی شونداری بینک آن بیدس ایلو ملک آک داسکان تینا قول ءِ پورو کتنو۔ عبدالغفور حیدری نا سوج آ پارلیمانی سیکرٹری پارے کہ چاگڑدی بدلی تتون مون تننگ کن بجٹ محدود ءِ، دااسہ بھلو ویل اسے، چاگڑدی بدلی تیکن 20 زیات زہمی ملک آتا کانفرنس نامہمانداری ءِ کننگا، گرین پاکستان نا ڈٹ جاری ءِ، داکان بیدس نیوانرجی وہیکل پالیسی درستی راستی کرفنگانے، این ڈی ایم اے نا رداٹ السی آگاہی نا پروگرام ہم برجاءِ۔
