نادرا نا کمک اٹ نیشنل پولیس بیورو ءِ پوسکن ءُ ٹیکنالوجی اس فراوان کننگ اسہ جوان ءُ پیش رفت اسے، سینیٹر اعظم نذیر تارڑ

اسلام آباد۔ 17 جنوری (اے پی پی) بنجائی وزیر کانود سینیٹر اعظم نذیر تارڑ پارینے کہ نادرا نا کمک اٹ نیشنل پولیس بیورو ءِ پوسکن ءُ ٹیکنالوجی اس فراوان کننگ اسہ جوان ءُ پیش رفت اسے ، ہرا ڈیٹا مینجمنٹ و سیکورٹیءِ گچین کیک۔ جمعہ نادے آ سینیٹ اٹی سینیٹ نا باسک آتا سوج آتا ورندی ٹی بنجائی وزیرپارے کہ حکومت نا ڈیجیٹل انفراسٹرکچر و پرائیویسی نا بابت کروک آ گام گیج کننگ ءِ، ہراتسکان سی ڈی اے(کیپٹل ڈویلپمنٹ اتھارٹی ) نا تعلق ءِ اوڑتون ٹریفک کانود نا خلاف ورزی آ جرمانہ بیٹ کننگ نا اختیار اف، داکاریم عام وڑاٹ ٹریفک پولیس یا تعلقدار محکمہ غاتا دنگ اٹ بریک اگہ سی ڈی اے نا دنگ اٹی بدلی اس کننگے تو اوڑکن باقاعدہ کانودی ترمیم آتا گرج مریک۔ اوپارے کہ سی ڈی اے اسلام آباد اٹی چاگڑدی بدلی نا ویل آتیا خاص چکار کننگ اٹی ءِ۔ بنجائی دارالحکومت اٹی گرین سپیسز ءِ رکھ کننگ، شجرکاری مہم چلیفنگ، و پائیدار شونداری نا ڈٹ نافذ کننگ چاگڑد نا رکھ اکن المی ءِ۔ اوپارے کہ سی ڈی اے عملی گام گیج دُن کہ چاگڑدی کانودآ سختی اٹ عملدرآمد، کچٹی نا کنٹرول، و کاربن نا اخراج اٹی کمتی کن پین گام گیج کے تو دا شار انا چاگڑدی نظام کن فائدہ منگ جوڑ مننگ کیک۔