اسلام آباد۔16جنوری (اے پی پی): مزن وزیر محمد شہباز شریف ءَ گوشت کہ معیشت ءِ دیمروئی آئی ٹی ءِ دیمروئی ءَ گوں بندوک اِنت حکومت ءِ سرمایہ کار دوستیں پالیشی آنی آسر ءَ آئی ٹی ءِ برآمدات ءَ مدام گیشی بوھگ ءَ اِنت، ءُ ملک ءَ را… میاں اوستمانی کمپنی آنی نیمگ ءَ چہ سرمایہ کاری ءَ چہ ورنا آنی واستہ روزگار ءِ موہ گیش بنت، ءُ پاکستان ءَ میاں اوستمانی کمپنی مینزیز ایوی ایشن ءِ آیگ ءَ چہ ملک ءَ نوکیں ٹیکنالوجی ءِ دیمروئی بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی میاں اوستمانی تک ءَ نامداریں رسد ءِ کمپنی مینزیز ایوی ایشن ءِ سی ای او فلپ جوینگ ءِ سروکی ءَ شش مردمی ڈل ءَ گوں گپ ءُ تران کنان ءَ کت آئی ءَ پنچ شمبے ءِ روچ ءَ مزن وزیر ءَ گوں گند ءُ نند کت۔ گند ءُ نند ءَ وزیر ءِ اھوالکاری ءُ شنگکاری عطا اللہ تارڑ ءُ آئی ٹی ءِ وزیر ءِ مملکت شازہ فاطمہ خواجہ ساڑی ات۔ مزن وزیر ءَ مینزیز ایوی ایشن ءِ نیمگ ءَ پاکستان ءَ آئی ٹی انفراسٹرکچر ءُ آسراتی ڈیسک ءِ جوڑ کنگ ءَ را وش اتک کت۔ مزن وزیر ءَ گوشت کہ پاکستان ءَ مینزیز ایوی ایشن ءِ وڑیں میاں اوستمانی تک ءَ نامداریں کمپنی ءِ نیمگ ءَ سروسز ءِ بندات مئے جوانیں معیشت ءِ تہ ءَ میاں اوستمانی سرمایہ کار آنی واستہ بے کساس کاروباری گنجائش آنی گواہ اِنت۔ میاں اوستمانی کمپنی مینزیز ایوی ایشن ءِ پاکستان ءَ آیگ ءَ چہ ملک ءَ نوکیں ٹیکنالوجی ءِ دیمروئی بیت۔ مزن وزیر ءَ گوشت کہ اے ملک ءِ معیشت ھاسیں رنگ ءَ آئی ٹی شوبگ ءِ واستہ سک باز المی ءِ سنگ اِنت۔ ملک ءِ معیشت ءِ دیمروئی آئی ٹی شعبہ ءِ دیمروئی ءَ گوں بندوک انت ۔ ملک ءِ آئی ٹی ءِ برآمدات ءِ تہ ءَ نوکیں سرمایہ کار دوستیں پالیشی آنی آسر ءَ مدام گیشی بوھگ ءَ اِنت۔ کم کم ءَ گیش بوھوکیں آئی ٹی ءِ برآمدات سک باز وش آتک کنگ بنت۔ مزن وزیر ءَ گوشت کہ انوگیں اقتصادی دیمروئی ءُ پاکستان ءَ مینزیز ایوی ایشن ءِ آیگ ءَ چہ ایندگر میاں اوستمانی کمپنی ملک ءَ سرمایہ کاری ءِ واستہ دلگوش بنت۔ اقتصادی شاھد ءِ مثبت اے گپ ءِ پدر کنگ ءَ انت کہ انوگیں اقتصادی پالیشی ملک ءِ کاروباری ماحول ءِ ھاترا سازگار انت۔ مزن وزیر ءَ گوشت کہ میاں اوستمانی کمپنی آنی نیمگ ءَ ملک ءَ سرمایہ کاری ءَ چہ ورنا آنی واستہ روزگار ءِ موہ گیش بنت۔ حکومت اقتصادی استحکام ءَ پد ملک ءِ دیمروئی ءِ واستہ سرجمیں رنگ ءَ جزمیگ انت۔ مزن وزیر ءَ پاکستان ءَ مینزیز ایوی ایشن ءِ اولی کارگس ءِ جوڑیشت ءِ تہ ءَ تختی ءِ دیم ءِ درائی کت۔
