اسلام آباد۔16جنوری (اے پی پی): بنجاھی وزیر ءِ اھوالکاری، شنگ کاری، راجی مڈی ءُ دود ءُ ربیدگ عطا اللہ تارڑ ءَ گوشت کہ ھما راج کہ وتی گوست ءِ سر ءَ پھر نہ کن اَنت آھانی نیام ءَ پاکستان ءُ ترکیہ ءِ دوستی ءِ یک دراجیں راجدپتر ءِ ھست اِنت۔ پاک ترکیہ دوستی ریڈیو میوزیم ءِ مول ءُ مراد ایش انت کہ آیوکیں نسل آناں پاکستان ءُ ترکیہ ءِ سیادی ءِ ارزشت ءَ سرپد بہ کنت کہ آ ترکیہ ءَ وتی دومی لوگ لیک انت۔ بنجاھی وزیر اھوالکاری ءُ شنگکاری عطا اللہ تارڑ ءَ پاک ءُ ترکیہ دوستی ریڈیو میوزیم ءِ بنگیج ءِ مراگش ءَ گوں گشتانک دیان ءَ گوشت کہ مرچی ما راجدپتر ءِ ھما بھر پجہ کتگ کہ مئے پجار جوڑ بوتگ، پاکستان ءِ جوڑیشت ءَ بگر داں 2011 ءَ ریڈیو پاکستان ءِ راجدپتری پشگرد اِنت۔ اے روچ ءَ ما منظر ءَ پہ آیوکیں وھداں رکّینتگ۔ پاک ترکیہ دوستی ریڈیو میوزیم ءِ جوڑ کنگ ءِ ارزشت ءَ را پدر کنان ءَ بنجاھی وزیر ءِ اھوالکاری ءَ گوشت کہ پاکستان ءُ ترکیہ ءِ دوستی ءِ یک دراجیں راجدپتر ءِ است انت برصغیر ءِ مسلمان آناں ترکیہ ءِ مسلمان آناں کمک کتگ۔ ءُ پاکستان ءِ سیادی ترکیہ ءَ وتی دومی لوگ لیک اَنت دوئیں ملکانی نیام ءَ سیادی دہائیاں چہ گیش اِنت۔ آئی ءَ گوشت کہ مہر ءُ براتی ءِ اے زنجیر ءَ را نسل ءَ چہ نسل ءَ را دیم ءَ برگ مئے فرض انت مارا آیوکیں نسل آناں پاکستان ءُ ترکیہ ءِ سیادی ءَ چہ سرپد کنگ لوٹ ایت۔ وزیر ءِ اھوالکاری ءَ پاکستان ءُ ترکیہ ءِ نیام ءَ ایندگہ شوبگ آنی تہ ءَ ھم کمک ءَ را گیش کنگ ءِ ضلورت ءِ سر ءَ زور پر دات ءُ گوشت کہ ترکیہ ءِ کمک ءُ ھمگرنچی ادارگ ٹیکا ءَ ادا وتی منصوبگ بندات کتگ۔ آئی ءَ گوشت کہ پاک ترکیہ دوستی ریڈیو میوزیم ءِ جوڑ کنگ ءِ مول ءُ مراد آیوکیں نسل آناں پاکستان ءُ ترکیہ ءِ سیادی ءِ ارزشت ءَ سرپد کنگ انت۔ آیوکیں پدریچ گند اَنت کہ پاکستان ءِ جوڑ بوگ ءَ بگر داں مروچی ریڈیو پاکستان ءَ کجام کرد پیلو کتگ۔ آئی ءَ گْوشتگ کہ نوں وھد باز بدل بوتگ آ وھد ءَ ٹیلی ویژن ھما بوتگ، سوشل میڈیا، پوڈ کاسٹ، ءُ ولاگ ھما بوتگ، ھرچی ریڈیو ءِ وسیلگ ءَ بوتگ۔ آئی ءَ گوشت کہ پاکستان ءِ نامداریں ایکٹر آنی گیشتریں بہر ءَ ریڈیو پاکستان ءَ چہ وتی کیریئر ءِ بندات کتگ ءُ پاکستان ءِ شرپ ءَ را گیش کنگ ءِ واستہ درملک ءَ شتگ انت، ایشی ءِ سر ءَ مارا سک باز پھر انت۔ آئی ءَ گوشت کہ ریڈیو پاکستان ءَ الس ءَ را سرپدی ءُ سرپدی پجارینگ ءِ تہ ءَ مزنیں کردے پیلو کتگ ءُ مئے معیشت ءِ دیمروئی ءَ ریڈیو ءِ ھم کرد انت ۔ وزیر ءِ اھوالکاری ءَ گوشت کہ دگنیا ءِ تہ ءَ گیشاں چہ گیش وشھالی ءِ کار آنی تہ ءَ پاکستانی راج بھر زوری کنت وھدیکہ کشمیر ءَ زمین چنڈ بوت گڈا سرجمیں پاکستان ءَ چہ مردم یکجاہ بوت اَنت ءُ اودا سر بوت اَنت 2010ءِ سیلاب ءِ وھد ءَ سرجمیں پاکستان ءَ چہ مردم کمکی سامان آنی گوما سر بوت اَنت۔ اگاں آفت یے اتک گڑا ما یکجاہ بئیں۔ وزیر اطلاعات ءَ گوشت کہ گوستگیں وھد ءَ ھم وھدے کہ رابطہ ءِ موڈ ھاسیں نہ بوتگ گڈا ریڈیو ءَ اے گپ ءِ تہ ءَ مزنیں کرد پیلو کتگ کہ مردم آناں چون کمک کنگ بہ بیت ءُ آفت ءِ آماچیں دمگ آنی سر ءَ چون سر بوھگ بہ بیت۔ عطا اللہ تارڑ ءَ گوشت کہ مرچی ما وتی گوست ءُ وتی راجدپتر ءِ پھازگ ءَ ریڈیو پاکستان ءِ کرد ءَ پیلو کنگ ءَ آں ما وشی آں کہ ریڈیو پاکستان ءِ سر ءَ پوڈ کاسٹ بندات بوتگ ایشی ءَ چہ بازیں مردم سیت زورگ ءَ انت۔ بنجاھی وزیر ءَ گوشت کہ ریڈیو ءِ آرکائیو ءِ رکھینگ ءُ ریڈیو پاکستان ءِ دیمروئی ءِ واستہ گیش ءَ چہ گیش کار کنگ لوٹ ایت۔ انچو کہ پیسر ءَ مردم ریڈیو پاکستان ءَ گوشدارگ ءَ اتنت، ریڈیو پاکستان ءِ وشھالی مئے ذمہ واری انت درستیں افسر ھم وتی کارندہ آنی نیمگ ءَ چہ فیڈ بیک لوٹگ ءَ انت ما آیوکیں بجٹ ءَ پیسر ایشی ءَ را گڈی رنگ ءَ دئیں۔ ایشی ءَ سرکار ءِ گور ءَ بَر اِت ءُ بہ گوش اِت کہ ریڈیو پاکستان ءِ زندگ کنگ ءِ واستہ اے چیزانی زلورت اِنت۔ بنجاھی وزیر ءَ گوشت کہ پاکستان ءُ ترکیہ ءَ را وتی ملک ءِ اُلس ءِ وشھالیں باندات ءِ واستہ یکجائی ءَ دیم ءَ جنزگ ءِ ضلورت اِنت ءُ مارا لس مھلوک ءِ جوانیں رابطہ آناں دیمروئی دیگی اِنت۔
