اسلام آباد۔16جنوری (اے پی پی): مزن وزیر محمد شہباز شریف ءَ یوتھ پروگرام ءِ چیر دستی ءَ وام ءِ زرّ ءَ را 5لکھ کلدار ءَ چہ گیش کنگ ءِ منظوری داتگ، ءُ کسانیں ءُ میاں اوستمانی ادارگ آناں داتگیں آسراتی آناں میاں اوستمانی لوٹ آنی رد ءَ آرگ ءِ منظوری داتگ۔ دیمروئی کتگیں ملک آنی ماڈل آناں ایس ایم ایز ءِ واستہ کارمرد کنگ ءَ را دل یکیمی کنگ ءِ واستہ آئی ءَ گوشت کہ ایس ایم ایز معیشت ءِ دیمروئی ءِ تہ ءَ کلیدی ارزشت ءِ واھند اَنت، ءُ حکومت ورنا آناں کاروبار بندات کنگ ءِ واستہ دلبڈی ءِ واستہ آسراتی پجاری کنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ کسان ءُ میاں اوستمانی ادارگ آنی ھوالگ ءَ چار ءُ تپاسی دیوان برجم دارگ بوت۔ مزن وزیر ءَ کسانیں کاروباری ادارگ آنی واستہ مزن وزیر ءِ ورنا پروگرام ءِ چیر دستی ءَ وام ءِ کساس ءَ را 5لکھ ءَ چہ یک ءُ نیم لکھ ءَ گیش کتگ، ءُ آھاں آسراتی ءِ واستہ سرجمیں ملک ءَ کسانیں ءُ میاں اوستمانی کاروبار آنی سر ءَ سرجمیں سروے ءِ سرجم کنگ ءِ پرمان داتگ۔ ہدایت کتگ کہ دیمروئی کتگیں ملک آنی ماڈل آنی کارمردی ءَ را دل یکیمی کنگ بہ بیت تانکہ کسان ءُ میان اُستمانی کاروبار آناں داتگیں آسراتی آناں میاں اوستمانی لوٹ آنی رد ءَ آرگ بہ بیت۔ آئی ءَ کسانیں کاروبار آنی تہ ءَ زالبول آنی واستہ زوت یک ھاسیں پیکج ءِ جوڑ کنگ ءُ پیش کنگ ءِ ھم ہدایت کتگ۔ مزن وزیر ءَ گوشت کہ حکومت کسان ءُ درنیامی کاروبار آناں آسراتی دیگ ءِ واستہ جزمیگ انت تانکہ شہری آناں کاروبار کنگ ءِ واستہ دلبڈی بہ دنت۔ ایس ایم ایز دنیا ءِ تہا اقتصادی دیمروئی ءِ کلید انت۔ ایس ایم ایز ءِ دیمروئی ءِ وسیلگ ءَ ملکی برآمدات ءَ را گیش کنگ حکومت ءِ اولی ترجی اِنت حکومت ورنا ءُ زالبولیں کاروباری مردم آناں بااختیار جوڑ کنگ ءِ ھاترا کوشست کنگ ءَ اِنت تانکہ آ نہ ایوک ءَ وتی روزگار ءِ وسیلہ ءَ چہ گیش روزگار ءِ موہ پیداک بہ کن اَنت۔ مزن وزیر ءِ دیوان ءَ ایس ایم ایز ءِ دیمروئی ءُ آسراتی ءِ واستہ حکومتی گامگیج آنی سر ءَ پیشرفت ءِ بابت ءَ سرپدی دیگ بوت۔ دیوان ءَ گوشت کہ مزن وزیر ءِ ہدایت ءِ پد ءَ ءُ توامیں اسٹیک ہولڈر آناں اعتماد ءِ تہ ءَ زورگ ءَ پد ایس ایم ایز ءِ واستہ وام ءِ فارم ءَ را آسان ءُ سادہ جوڑ کنگ بوتگ تانکہ گیشاں چہ گیش ایس ایم ایز وتی کاروبار ءِ گہتری ءِ واستہ وام ءَ چہ پائدگ چست بہ کن اَنت۔ قرضہ ءِ آسراتی ءِ سرا۔ دیوان ءَ سرپد کنگ بوت کہ ایس ایم ایز ءِ درجہ بندی اے ھیال ءَ کنگ بوھگ ءَ اِنت کہ سرجمیں کسان ءُ میاں اوستمانی کاروباری ادارگ سرکاری کمک ءُ آسراتی ءَ چہ گیش ءَ چہ گیش نپ چست بہ کن اَنت ءُ آھاں وھد ءُ پاس ءِ سر ءَ وام ءِ رسگ ءَ را دل یکیمی کنگ بہ بیت۔ مزن وزیر ءِ ہدایت ءِ رد ءَ ایس ایم ایز ءِ تہ ءَ لوگبانک آنی سکیں کسانیں کچ ءُ کسانیں کاروبار ءِ آسراتی ءِ واستہ نوکیں زمرے ءِ بندات کنگ بیت ایشی ءَ چہ آوانی واستہ وام ءِ گرگ ءُ وتی کاروبار ءِ گہتری ءِ واستہ حکومتی کمک ءِ رسگ ءَ را آسانی رسیت دیوان ءَ را بریفنگ دیگ بوت۔ پاکستان بیورو آف اسٹیٹسٹکس ءِ نیمگ ءَ سئے مزنیں شہر آنی تہ ءَ ایس ایم ایز ءِ اشاریہ آنی سر ءَ سروے کنگ بیت ءُ سرپدی دات کہ آیوکیں لھتیں ماھ آنی تہ ءَ سرجمیں ملک ءَ ایس ایم ایز آناں جوانیں آسراتی آنی پجارینگ ءِ منصوبگ بندی کنگ بیت دیوان ءَ 2019 ءِ سر ءَ سرجمیں بریفنگ ھم دیگ بوت۔ مزن وزیر ءِ ہدایت ءِ رد ءَ ایس ایم ایز ءِ کمک ءِ واستہ حکومت ءِ ایکشن پلان ءِ مول ءُ مراد ءُ آہانی سرجمی ءِ وھد ءُ پاس ءِ سرا چمشانک دیگ بوتگ۔ گند ءُ نند ءَ گوشگ بوت کہ اسمیڈا اے سال ءِ فروری ءَ تاں ایس ایم ایز ءِ واستہ مالیاتی سواد ءُ تربیتی پروگرام ءِ بندات کنت۔ ایشی ءَ ابید اے سال ءِ میان ءَ تاں نوکیں ٹیکنالوجی ءِ دیم ءَ آرگ ءِ پروگرام ءَ را گڈی رنگ دیگ بیت اے دیوان ءَ ایس ایم ایز ءِ ھوالگ ءَ ملکی برآمدات ءَ را گیش کنگ ءِ ھاترا یک جامع ایکشن پلان ءِ مول ءُ مراد ءُ ٹائم فریم ءِ سر ءَ گپ ءُ تران کنگ بوتگ۔ گند ءُ نند ءَ زالبولیں کاروباری مردم آنی دیمروئی ءِ واستہ جوڑ بوھوکیں پالیشی ءِ ھوالگ ءَ پیشرفت ءِ ھوالگ ءَ ھم سرپد کنگ بوت۔ دیوان ءَ بنجاھی وزرا رانا تنویر حسین، احد خان چیمہ، وزیرِ مملکت شزا فاطمہ خواجہ، گورنر سٹیٹ بنک جمیل احمد، چاریں صوبائی چیف سیکریٹریز، ایس ایم ایز سیکٹر ءِ نمائندگ ءُ سیادی داروکیں مزنیں کارندہ آں بہر زرتگ۔
