اسلام آباد۔16جنوری (اے پی پی):سندھ ءِ گورنر کامران خان ٹیسوری ءَ اسلام آباد ءَ فلسطین ءِ سفارت خانہ ءِ تر ءُ تاب کتگ ءُ فلسطین ءِ سفیر ڈاکٹر ظہیر محمد حمداللہ زید ءَ گوں گند ءُ نند کتگ وھدے کہ سندھ ءِ گورنر کامران خان ٹیسوری فلسطین ءِ سفارتخانہ ءَ سر بوتگ گڈا فلسطینءِ سفیر ءَ دگہ سفارتی کارندہ آں سندھ ءِ گورنر ءَ را گوں گرمیں وش آتک کت۔ پنچ شمبے ءِ روچ ءَ برجم داشتگیں دیوان ءِ تہ ءَ گورنر سندھ ءَ گوشت کہ جنگ بندی ءِ معاہدے ءَ چہ دمگ ءَ امن ءِ امیت بیدار بوتگ، فلسطینی راج سکیں گرانیں وھد ءَ چہ گوستگ، ءُ ایشانی تپاکیءِ واستہ امیت است انت۔ آئی ءَ گیش کرتگ کہ فلسطین ءِ سفارتی، اخلاقی ءُ سیاسی کمک برجاہ بیت۔ فلسطین ءِ سفیر ءَ سندھ ءِ گورنر ءَ را اے گپ ءِ گشگ ءَ ھبکہ بوت کہ مرچی ھم فلسطین ءَ شھید ھست اَنت ۔ سندھ ءِ گورنر ءَ اسرائیل ءِ بربریت ءِ سرا دلپروشی ءِ درشانی کتگ ءُ میاں اوستمانی براتی ءَ چہ نوٹس زورگ ءِ اپیل کتگ۔ سندھ ءِ گورنر ءَ فلسطین ءِ سفیر ءَ را گورنر ہاؤس ءِ دعوت ھم داتگ ات کہ فلسطین ءِ سفیر ءَ اے گپ من اِتگ ات ءُ گشتگ ات کہ من زوت تر ءُ تاب کنت۔
