اسلام آباد۔16 جنوری (اے پی پی) وزیراعظم نا کوآرڈی نیٹر موسمیاتی بدلی و چاگڑدی رابطہ رومینہ خورشید عالم قدرتی آفت آتون مون تننگ کن قومی موسمیاتی رسک مینجمنٹ حکمت عملی نا گرج آ زور شاغساپارینے کہ قومی ، صوبائی وضلعی کہول آ موسمیاتی حکمت عملی نا نفاذ ءِ بایدے تینا کننگے۔ داخیال آتادرشانی ءِ او پنچ شنبے نادے آداڑے’’انسانی مستقبل ‘‘ نا بابت دود آن تران کرساکرے۔ اوپارے کہ قدرتی آفت آتون مون تننگ کن سوگو حکمت عملی اس تینا کننگ نا گرج ءِ۔ رومینہ خورشید عالم پارے کہ موسمیاتی بدلی نا اثرآتون مون تننگ کن مریس مدی ڈٹ آتیاکاریم کننگ ءِ، موسمیاتی بدلی آن زہمی کشاری بشخ ءِ بچفنگ کن دمدستی گام گیج کروئی مریک۔ اوپارے کہ پاکستان اٹ نوکاپ و خشک سالی نا خطرہ غاتیٹی ودکی مسنے، پاکستان نا کشاری پیدوار دیر انا کمتی آن زہمی مسنے، قدرتی آفت آتون مون تننگ کن وسیلہ غاتا کمتی مون تروک ءِ۔ رومینہ خورشید عالم پارے کہ موسمیاتی آفت آتیان رکھ انا تیاری و بحالی کن جہانی مالی امداد نا گرج ءِ۔
