اسلام آباد۔15جنوری (اے پی پی): سعودی عرب ءَ پاکستان ءِ پریس قونصل محمد عرفان ءِ بیرانی ءِ پد ءَ بنجاھی وزیر ءِ پجارینگ، شنگ ءُ تالان، راجی میراث ءُ دود ءُ ربیدگ عطا اللہ تارڑ ءَ سک باز دلپدردی ءُ رنج ءُ گم ءِ درشانی کتگ۔ چار شمبے ءِ روچ ءَ بنجاھی وزیر ءِ اھوالکاری ءَ وتی دلپدردی بیان ءِ تہ ءَ محمد عرفان ءُ آئی ءِ لوگ ءِ ایندگر مردم آناں گوں دلپدردی ءُ ھمدردی ءِ درشانی کت ءُ گوشت کہ محمد عرفان ءِ پت ءِ بیرانی ءِ ھال ءِ اشکنگ ءَ چہ سک باز دلپدرد بوتگ۔ آئی ءَ گوشت کہ آئی ءِ پت ءِ بیرانی یک مزنیں سانحہ یے، آئی ءِ پت ءِ بیرانی ءَ چہ پیداکیں ھالیگیں جاہ ھچبر پُر نہ بیت ءُ اے غم ءِ ساھت ءَ ھاندان یک پیم ءَ بھر زوریت۔ بنجاھی وزیر ءِ اھوالکاری ءَ دعا کت کہ اللہ تعالیٰ بیران بوتگیں مردم ءَ را وتی رحمت ءِ تہ ءَ مزنیں مقامے بہ دنت ءُ پشومانی کھول ءَ را صبر ءُ اوپار بہ دنت۔
