اسلام آباد۔15جنوری (اے پی پی): مزن وزیر محمد شہباز شریف ءَ الیکٹرک گاڑی آنی ھوالگ ءَ پالیشی ءِ ساڑاتگ ءَ گشتگ کہ الیکٹرک گاڑی چاگردی آلودگی ءَ را کنٹرول کنگ ءُ سرمایہ کاری ءِ تہ ءَ گیشی ءَ کمک کنت۔ چار شمبے ءِ روچ ءَ ملک ءَ الیکٹرک گاڑی آنی دیمروئی ءِ ھوالگ ءَ حکومت ءِ پالیشی ءِ ھوالگ ءَ دیوان ءَ گوں تران کنان ءَ مزن وزیر ءَ گوشت کہ دگنیا چاگردی بدلی ءِ سر ءَ پریشان اِنت، ءُ اے گپ COP29 ءَ ھم درشان کنگ بوتگ۔ پاکستان ءَ ھم اے وڑیں بدلی ناگزیر ءُ فائدہ مند انت کہ ایشی ءَ چہ چاگردی آلودگی کم بیت۔ مزن وزیر ءَ الیکٹرک گاڑی آنی ھوالگ ءَ وزارت ءِ بجلی ءِ پالیشی ءَ را ساڑاتگ ءِ وھد ءَ گوشت کہ الیکٹرک گاڑی آنی صنعت ءِ واستہ 70 کلدار ءَ چہ بجلی ءِ نہاد ءَ کم کنگ وش اتک انت۔ ایشی ءَ چہ سرمایہ کاری ءِ حوصلہ افزائی بیت۔ اگاں بجلی ءِ نہاد سدکیں بہ بیت گڈا الیکٹرک گاڑی ءِ انڈسٹری ءَ را دیمروئی دیگ بیت۔ آئی ءَ گوشت کہ دگنیا ءَ موسمی مٹ ءُ بدلی ءِ ھوالگ ءَ بازیں کار کنگ بوھگ ءَ انت چاگردی آلودگی ءَ را کنٹرول کنگ ءِ واستہ گامگیج کنگ بوھگ ءَ انت۔ مزن وزیر ءَ ہدایت کت کہ الیکٹرک گاڑی ءِ انڈسٹری ءِ واستہ بجلی ءِ نہاد ءَ 30درسد کمی ءِ ھوالگ ءَ سرپدی پجارینگ بہ بیت۔ الیکٹرک گاڑیانی جوانیں چاگردی اثر ءِ ھوار ءَ معیشت ءَ را ایندھن ءِ بچت ءَ چہ ھم نپ رسیت۔
