سیکورٹی فورسز بلوچستان ءَ امن ءِ گامگیج ءِ واستہ وتی کرد ءَ پیلو کنگ ءَ انت سینیٹر اعظم نظر تارڑ

اسلام آباد۔15جنوری  (اے پی پی): بنجاھی وزیر کانود، انصاف ءُ پارلیمانی معاملہ سینیٹر اعظم نظیر تارڑ ءَ گشتگ کہ بلوچستان ءَ ایمنی ءِ ھاتر ءَ سیکورٹی فورسز وتی کرد ءَ پیلو کنگ ءَ انت۔ چار شمبے ءِ روچ ءَ ایوان بالا ءِ دیوان ءَ سینیٹر کامران مرتضی ءِ نیمگ ءَ چست کتگیں راجی ارزشت ءِ جیڈھ ءِ پسو ءَ بنجاھی وزیر کانود، انصاف ءُ پارلیمانی امور سینیٹر اعظم نظیر تارڑ ءَ گوشت کہ بلوچستان ءَ امن ءُ ایمنی ءِ جیڈھ دہائیاں چہ برجاہ اِنت۔ اے جیڑہ ءِ گیش ءُ گیوار ءِ واستہ نیروی امنیت وتی کرد ءَ پیلو کنگ ءَ انت۔ ما وت کراچی، پشاور، ءُ بلوچستان ءَ شتیں کہ دیوان بہ کنیں ءُ اے جیڑہ ءِ گیش ءُ گیوار ءِ نیمگ ءَ روگ ءِ جہد بہ کنیں۔ اے جیڈھ کابینہ ءِ تک ءَ چست کنگ بوتگ ایشی ءِ گیواری ءِ کوشست کنگ بوھگ ءَ انت آماچیں ھاندان آناں ریلیف پیکج پجاری کنگ بیت۔ آئی ءَ گیش کرتگ کہ امن ءُ ایمنی استانی جیڈھ اِنت۔ ایشی ءَ چہ پیسر کامران مرتضی ءَ گشتگ کہ بلوچستان ءَ چہ مزنیں کساسے ءَ مردم درکنگ بوہگ ءَ انت ایشی ءِ پسو ءَ بازیں روچاں چہ بازیں راجی شاہراہ بند کنگ بوتگ انت ایشی ءِ سبب ءَ بلوچستان ءَ گوں ملک ءَ صوبہ ءِ سیادی کپگ ءَ انت۔ روچ پہ روچ امان ءِ جاور ھراب بوھگ ءَ اَنت۔