اسلام آباد۔15جنوری (اے پی پی):صدر آصف علی زرداری ءَ شمالی وزیرستان ءَ آپریشن ءِ وھد ءَ چار ناشرکارانی کوش ءِ پد ءَ سیکورٹی فورسز ءَ را شگر ءُ منت گپت۔ چار شمبے ءِ روچ ءَ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ سوبمندیں انٹیلی جنس ءِ بنیات ءَ آپریشن ءِ ساھت ءَ چار خوارج ءِ کوش ءِ واستہ سیکورٹی فورسز ءِ بہادری ءِ توسیپ کتگ۔ آئی ءَ گوشت کہ سیکورٹی فورسز ناشرکاری ءِ ھوپ ءَ را ھلاس کنگ ءِ واستہ آپریشن کنگ ءَ انت۔ آئی ءَ گوشت کہ سرجمیں راج ناشرکاری ءِ ھلاپ ءَ یکجائی ءَ اِنت۔ صدر ءِ مملکت ءَ گوشت کہ فتنہ الخوارج ءِ حلاف ءَ آپریشن ھما وھد ءَ برجاہ مان انت داں ناشرکاری ءِ سرجمی ءَ ھلاس کنگ مہ بیت۔
