اسلام آباد۔ 15جنوری (اے پی پی) وزیراعظم شہباز شریف جہانی بینک و پاکستان نا 10 سال انا شریداری فریم ورک نا ستاءِ کرینے ہرانا رداٹ جہانی بینک انا کنڈآن 20 ارب ڈالر نا باوری کرفنگانے۔ چارشنبے نادے آ راجی رابطہ نا ویب سائٹ ایکس آ تینا پوسٹ اٹی وزیراعظم پارے کہ شریداری فریم ورک انا رداٹ ہرا 6 بشخ آتیٹی کمکاری نا باوری کرفنگانے دا ننا قومی اولیت نا عکاسی ءِ کیک۔ دا بشخ آتیٹی آب اٹ تعلیم، چناتا غذائیت، موسمیاتی بدلی، کلین انرجی، جوان شونداری و نجی زرکاری اوار ءِ۔ وزیراعظم آرمی چیف جنرل سید عاصم منیر و کنا رفیق آتا کوشست آتے ستاکڑزوک گوندسا پارے کہ او دے و نن پاکستان نا زرگزران نا بنداو ءِ سوگو کننگ کن کوشست کننگ ءُ۔ اوپارے کہ شریداری فریم ورک جہانی بینک انا پاکستان نا زرگزران نا مون آ بننگ و اونا پوٹینشل آ پت انا درشانی ءِ۔ وزیراعظم پارے کہ نن الس کن پائیدار وارخواہی ودی کننگ نا کوشست آتے ہم گرنچ کرسا تینا شریداری ءِ سوگو کننگ نا خواہندار اُن۔
