راولپنڈی۔ 15 جنوری (اے پی پی) سیکورٹی فورس آک خوارج آتا ساڑی گری نا حوال آ قطبی وزیرستان نا علاقہ سپن وام اٹی انٹیلی جنس آ تالان آپریشن اٹی اسہ ایلو آ سم کاری ٹی 4 خوارج زوال کریر۔ چارشنبے نادے آ آئی ایس پی آر آن جاری کروک بیان نا رداٹ سیکورٹی فورس آک 14 و15 جنوری نا نیامی نن آ خوارج آتا ساڑی گری نا حوال آ قطبی وزیرستان نا علاقہ سپن وام اٹی انٹیلی جنس آ تالان آپریشن کریر، آپریشن اٹی ، فوجی ورناک خوارج آتا ٹھکانہ غاتے جوان وڑاٹ گھیڑ کریر، و اسہ ایلو آن سم کاری آن پد 4 خوارج آتے جہنمی کننگا۔ خلنگوک آ خوارج آتا کوزہ غان سلہہ و گولہ بارود ہم دوئی مس، ہرا سیکورٹی فورس آتا برخلاف دہشت گردی نا چندی کارروائی تتون اوار اوار کودک شاری تا ٹارگٹ کلنگ اٹی ہم سرگرم ئسر۔ علاقہ ٹی پین خارجی اسے ناساڑی گری ءِ چٹفنگ کن سینیٹائزیشن آپریشن کننگ انگ ءِ پاکستان نا سیکورٹی فورس آک ملک آن دہشت گردی نا لعنت ءِ چٹفنگ کن سنبرینگوک ءُ۔
