اسلام آباد۔14جنوری (اے پی پی): مزن وزیر محمد شہباز شریف ءَ گوشت کہ ناشرکاری ءِ ھلاسی ءِ واستہ کتگیں بے دروریں قربانی آنی سبب ءَ ناشرکاری ءِ فتنہ الخوارج ءِ واستہ دم توس بیت، پاکستان یک رندے پدا امن ءِ جھولا جوڑ بیت، پی آئی اے ءِ بندش ھلاس بوھگ ءَ انت۔ ، لندن ءِ بالی گراب ھم زوت بندات بنت، فیڈریشن وانگ ءُ زانگ ءِ شوبگ ءَ دیم ءَ اتکگیں چیلنج آنی گیواری ءِ واستہ صوبگ آنی گوما کار کنگ ءَ فعالیں کرد پیلو کنت۔ آئی ءَ اے ھیالانی درشانی سئے شمبے ءِ روچ ءَ بنجاھی کابینہ ءِ دیوان ءَ تران کنان ءَ کت اَنت۔ مزن وزیر ءَ گوشت کہ پاکستانی سلاہ بندیں اُرد ءَ آرمی چیف ءِ سروکی ءَ فتنہ الخوارج ءِ حلاف ءَ آپریشن بندات کتگ۔ شپ ءُ روچ آپریشن بوھگ ءَ انت۔ بلوچستان ءَ انٹیلی جنس ءِ بنیاد ءَ آپریشن ءَ 27 ناشرکار بیران بوتگ ۔ دگہ جاگہ آں ھم آپریشن برجاہ انت۔ بے دروریں قربانی دیگ بوھگ ءَ انت کہ مارا درستاں سرپد بوھگ ءُ سرپد بوھگ لوٹیت۔ اے قربانیانی برکت ءَ خوارج ءِ سرکشی پہ ابد بیران بیت ءُ پاکستان انشاء اللہ یک رندے پدا امن ءِ پناہ گاہ جوڑ بیت، انچوش کہ 2018 ءَ نواز شریف ءِ سروکی ءَ پاکستان ءَ امن ءِ قیام بوتگ۔ مزن وزیر ءَ گوشت کہ راجدپتر ءَ اے کُربانی ءَ مدام یات کنت۔ مزن وزیر ءَ وزارت ءِ وانگ ءُ زانگ ءُ وزارت ءِ اھوالکاری ءَ ھوار سیادی داروکیں واکدار آناں لھتیں روچ پیسر اسلام آباد ءَ اسلامی دگنیا ءُ چاگرد آنی تہ ءَ زالبول آنی وانگ ءُ زانگ ءِ ھوالگ ءَ وشیں کانفرنس ءِ برجائی ءِ پد ءَ مبارکی دات۔ زالبول ءُ جنک آنی وانگ ءُ زانگ ءِ ھوالگ ءَ کانفرنس ءَ کاگد وانگ بوتگ اَنت۔ پاکستان ءَ زالبول آنی وانگ ءُ زانگ ءِ ھوالگ ءَ مزنیں چیلنج آنی دیم ءَ انت۔ 22.8ملین زھگ وانگجاہ ءَ چہ در اَنت کہ آھانی تہ ءَ گیشتریں بھر جنک اَنت کہ اے مزنیں چیلنج اِنت مزن وزیر ءَ گوشت کہ کانفرنس ءَ او آئی سی ءِ سیکرٹری جنرل، مسلمانیں ملک آنی وانگ ءُ زانگ ءِ وزیر ءُ ملالہ یوسفزئی ءِ ھوار بوھگ ءَ را وش آتک کنگ بوتگ۔ وانگ ءُ زانگ ءِ پڑ ءَ استاناں دیم دیگ بوتگ بلے فدراسیون ءِ ھم مزنیں کردے ھست۔ فدراسیون ءَ گوں صوبہ آں وانگ ءُ زانگ ءِ پڑ ءَ مشکل ءُ چیلنج آنی گیواری ءِ تہ ءَ فعالیں کرد پیلو کنگی اِنت۔ ما تعلیمی ایمرجنسی ءِ جار جتگ ات۔ مزن وزیر ءَ وزیر وانگ ءُ زانگ ءَ را ہدایت کت کہ آ صوبگ آنی گوما نزیکیں رابطہ کاری ءَ را جوڑ کنگ ءَ چہ وانگ ءُ زانگ ءِ شوبگ ءَ استیں مشکل ءُ چیلنج آنی گیواری ءَ بہ کنت۔ مزن وزیر ءَ یورپ ءَ پی آئی اے ءِ بالی گراب آنی پدا بندات کنگ ءَ را مزنیں سوبمندی لیک اِتگ ءُ گوشت کہ بدبھتی ءَ پیسریگیں حکومت ءِ ھوابازی ءِ وزیر ءَ پارلیمنٹ ءَ پاکستانی معیشت ءِ ھلاس کنگ ءِ واستہ کتگیں گشتانک ءِ ھرابیں آسر بوتگ اَنت ءُ پاکستان ءِ راج ءُ معیشت ءَ را ایشی ءِ آسر ءِ تاوان رستگ۔ .سالانی سال ءِ معاشی تباہی ءَ پد پی آئی اے ءِ سرا ایر کنگ بوتگیں بندش نوں ہلاس کنگ بوہگ ءَ انت۔ اے مزنیں ناکامی یے ات۔ مزن وزیر ءَ وزیر دفاع ءُ سیادی داروکیں واکدار آناں اے سوبمندی ءِ سر ءَ مبارک بات دات ءُ گوشت کہ آھانی کوشست آنی پائدگ بوتگ ءُ امیت انت لندن ءِ واستہ پی آئی اے ءِ بالی گراب زوت بندات بنت ءُ پاکستانی مسافر آنی مشکل کم بنت۔ مزن وزیر ءَ پنجگور ءَ پاک ایران ءِ نوکیں سیم سر ءِ بنگیج ءِ ھوالگ ءَ کابینہ ءَ را سرپد کت ءُ گوشت کہ ایشی ءَ چہ کانودی تجارت دیمروئی بیت ءُ اسمگلنگ ءِ گر ءُ دار بیت۔ مزن وزیر ءَ اے رد ءَ ایران ءِ کمک ءَ را وش اتک کت۔ آئی ءَ کابینہ ءَ گوشت کہ کررم ءِ جاور نوں وتی جاہ ءَ واتر بوھگ ءَ انت۔ امن ءِ معاہدہ ءَ مزنیں ناکامی یے رستگ بلے نوں جاور ھال شر بوھگ ءَ انت۔ قلعہ ہلاس کنگ بوہگ ءَ انت۔ وردن ءُ درمان ءِ سامان بحال کنگ بوتگ انت۔ مزن وزیر ءَ گوشت کہ توامیں سٹیک ہولڈر یکجائی ءَ بیا اَنت ءُ جنگی گل آنی نیام ءَ کش ءُ چیل آناں ھلاس کنگ بہ بیت تانکہ آیوکیں وھد ءَ اے رنگیں وئیل مہ بیت۔ جنکو ءِ کار چے اِنت کہ آ ادائیگی ءَ بہ زور اَنت؟اے سرکار ءِ کار اِنت کہ آ ڈالر ءَ ادائیگی ءَ بہ زور اَنت ھم مزنیں چیلنجے ۔ کابینہ اے درگت ءَ گامگیج آنی سر ءَ چار ءُ تپاسی کنت۔
