ڈھاکہ/اسلام آباد۔14جنوری (اے پی پی): پاک بنگلہ دیش بزنس کونسل ءِ جوڑ کنگ ءِ واستہ یک معاہدے ءِ سرا دستخط کنگ بوتگ۔ دوئیں ملک آناں ھواریں پاک بنگلہ دیش بزنس کونسل ءِ جوڑ کنگ ءِ پیسلہ صدر ایف پی سی سی آئی عاطف اکرام شیخ ءِ سروکی ءَ کاروباری ڈل ءِ بنگلہ دیش ءِ تر ءُ تاب ءِ وھد ءَ کنگ بوتگ ءُ بنگلہ دیش ءِ انتظامی فیڈریشن ءَ دستخط کتگ۔ اے معاہدہ ءِ رد ءَ ایف پی سی آئی ءِ نیمگ ءَ چہ جاڑی بوتگیں پریس ریلیز ءِ رد ءَ عاطف اکرم شیخ ءَ دوئیں ملک آنی نیام ءَ کاروباری کونسل ءِ جوڑ کنگ ءَ را تجارتی سیادی آنی تہ ءَ یک سنگ میل ءِ رنگ ءَ لیک اِتگ صدر ایف پی سی آئی ءَ کونسل ءِ جوڑ کنگ ءَ را وش اتک کتگ۔ کمیونٹی ءِ سر ءَ کار کنگ ءُ دوئیں ملک آنی نیام ءَ سیادی ءَ را گہتر کنگ ءِ ھاتر ءَ صدر ایف پی سی آئی ءِ سروکی ءَ پاکستانی کاروباری ڈل ءَ بنگلہ دیش ءِ کاروباری براتی ءِ گوما ڈل ءِ تک ءَ گند ءُ نند کتگ، دوئیں ملک آنی نیام ءَ تجارتی سیادی ءَ را گہتر کنگ ءِ بابت ءَ گپ ءُ تران کنگ بوتگ۔ بنگلہ دیش ءِ چیمبر آف کامرس اینڈ انڈسٹری ءِ میزبانی ءَ کاروباری فورم ءَ بھر زوری کت، کاروباری فورم ءَ گوں وتی گشتانک ءَ بنگلہ دیش ءَ را ایشیائی خطہ ءِ یک مزنیں اقتصادی طاقت ءِ رنگ ءَ بیان کنان ءَ آئی ءَ گوشت کہ دوئیں ملک آنی تہ ءَ . دوئیں ملک آنی نیام ءَ تجارتی سیادی ءَ را گہتر کنگ ءِ واستہ کاروباری براتی ءِ یکوئی ءِ کمک المی اِنت ایشی ءِ تہ ءَ ھوائی رابطہ ءُ ویزا ءِ جیڈھ آناں گیواری ءِ سر ءَ ترندی ءَ گوں پیشرفت کنگ لوٹ ایت۔ زانگ بہ بیت کہ دوئیں ملک آنی نیام ءَ کشت ءُ کشاری، وانگ ءُ زانگ، ٹیکسٹائل ءُ ایندگر شعبہ آنی تہ ءَ کمک ءِ بے دروریں موہ است انت دوئیں ملک آنی مزنیں آبادی ءَ را جیڈھ ءِ رنگ ءَ چارگ مہ بیت بلکیں یک موہ ءِ رنگ ءَ چارگ بہ بیت ءُ دیمروئی ءِ واستہ کارمرد کنگ بہ بیت۔
