مزن وزیر ٹینک ڈسٹرکٹ ءُ تیراہ ویلی ءَ انسداد ناشرکاری آپریشن ءَ 8  درئی ناشرکار آنی   کوش ءِ پد ءَ سیکورٹی فورسز ءَ را توسیپ ءُ ستا  پیش کت

اسلام آباد۔14جنوری  (اے پی پی):  مزن وزیر محمد شہباز شریف ءَ ٹینک ڈسٹرکٹ ءُ تیرہ ویلی ءَ ناشرکارانی ھلاپ ءَ آپریشن ءِ تہ ءَ 8 خوارج ءِ کوش ءِ پد ءَ سیکورٹی فورسز ءَ را شگر ءُ منت گپت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ ناشرکار آنی نا شریں ارادہ ھمے رنگ ءَ ناکام کنگ بنت راج ءَ را سیکورٹی فورسز ءِ بے ترسیں ورنا آنی سر ءَ فخر اِنت۔ مزن وزیر ءَ  گوشت کہ ملک ءَ  چہ ناشرکاری ءِ  سرجمی ءَ  ھلاس کنگ ءِ  واستہ حکومت ءُ سیکورٹی فورسز  ساڑی  ءُ تیار انت۔