اسلام آباد۔ 14 جنوری (اے پی پی) بنجائی وزیر خزانہ سینیٹر محمد اورنگزیب پاکستان و ہانگ کانگ نا نیام اٹ اقتصادی و سفارتی تعلقداری تے پین سوگو کننگ نا اہمیت آ زور شاغانے۔ اوداہیت ءِ ہانگ کانگ اسپیشل ایڈمنسٹریٹور یجن (ایس اے آر) نا چیف ایگزیکٹیو جون کے سی لی تون اوڑدہی ٹی پارے۔ اوڑدہی نا مسخت پاکستان و چینی ڈیہہ ہانگ کانگ نا نیام اٹ ہڑتوم آ کنڈآتا …
وزیر خزانہ سینیٹر محمد اورنگزیب نا ہانگ کانگ نا چیف ایگزیکٹیو جون کے سی لی تون اوڑدہی
گیشتریں ھال
اسلام آباد۔ 14 جنوری (اے پی پی) بنجائی وزیر خزانہ سینیٹر محمد اورنگزیب پاکستان و ہانگ کانگ نا نیام اٹ اقتصادی و سفارتی تعلقداری تے پین سوگو کننگ نا اہمیت آ زور شاغانے۔ اوداہیت ءِ ہانگ کانگ اسپیشل ایڈمنسٹریٹور یجن (ایس اے آر) نا چیف ایگزیکٹیو جون کے سی لی تون اوڑدہی ٹی پارے۔ اوڑدہی نا مسخت پاکستان و چینی ڈیہہ ہانگ کانگ نا نیام اٹ ہڑتوم آ کنڈآتا کمکاری ءِ مون آ دننگ ئس۔ اوڑدہی ٹی وزیر خزانہ و چیف ایگزیکٹیو لی اقتصادی کمکاری، واپاری تعلقداری، زرکاری نا وارخواہی و دودوربیدہ ئی ہن و برتون اوار چندی سرحال آتیا تعمیری گپ وتران کرے۔ گپ وتران نا مسخت ہڑتوم آ ڈیہہ تا نیام اٹ خڑکی تعلقداری ءِ سوگو کننگ و اسیجائی شونداری و شونہالی نا وارخواہی پٹنگ ئس۔ وزیرخزانہ پاکستان وہانگ کانگ نا نیام اٹ اقتصادی و سفارتی تعلقداری تے پین سوگو کننگ نااہمیت آ زور شاغا۔ اوچندی بشخ دُن کہ فنانس، ٹیکنالوجی و سیل و سوات اٹی کمکاری ءِ ودفنگ نا لائخی ءِ تالان کرے و ہڑتوم آ ڈیہہ تا اسیجائی فائدہ و قدر ءِ مون آتخا۔ جون کے سی لی وزیرخزانہ نا بننگ نا خیرمقدم ءِ کرے و پاکستان وہانگ کانگ نا نیام اٹ کمکاری ءِ مون آ دننگ نا عزم دُوارہ کرے۔ وزیرخزانہ سینیٹر محمد اورنگزیب و چیف ایگزیکٹیو جون کے سی لی نا نیام اٹ دا اوڑدہی فریق آتا ہڑتوم آ کنڈآتا تعلقداری تے سوگو کننگ و چندی بشخ آتیٹی بامعنی کمکاری نا وارخواہی پٹنگ نا عزم انا عکاسی ءِ کیک۔ بیجنگ اٹی پاکستان نا سفیر خلیل ہاشمی و ہانگ کانگ اٹی قونصل جنرل ریاض احمد شیخ ہم داوخت آ ساڑی ئس۔
