اسلام آباد۔ 14 جنوری (اے پی پی) بنجائی وزیر داخلہ محسن نقوی خیبرپختونخوا ٹی اِرا سرسہب انٹیلی جنس بیسڈ آپریشن آتیا سیکورٹی فورس آتا ستاءِ کرسا پارینے کہ قوم انا مخ تفی اٹ خوارجی دہشت گرد آتے پورو چٹفنہ۔ سے شنبے نادے آ وزارت داخلہ غان جاری کروک بیان نا رداٹ وزیرداخلہ پارے کہ 8 خوارجی دہشت گرد آتے جہنمی کرسا سیکورٹی فورس آک بھلو سرسہبی اس دوئی کریر۔ خیبرپختونخواٹی دہشت گرد آتا ناپاک عزم ءِ بے سہب کننگ آ سیکورٹی فورس آتے خراج تحسین پیش کینہ۔ محسن نقوی پارے کہ بہادر سیکورٹی فورس آک 8 دہشت گرد آتے جہنمی کریر و اوفتا عزم ءِ مش تا کریر۔ قوم سیکورٹی فورس آتے سلام پیش کیک ۔ اوپارے کہ قوم سیکورٹی فورس آتون کوپہ ءِکوپہ تون ملفسا سلوک ءِ۔ قوم انا مخ تفی اٹ خوارجی دہشت گرد آتےپورو چٹفنہ۔
