اسلام آباد۔13جنوری (اے پی پی): مزن وزیر محمد شہباز شریف ءَ بنجاھی حکومت ءِ برجاھیں کم ھرچیں ھاوسنگ منصوبگ آناں زوت سرجم کنگ، سرمایہ کاری ءَ را گیش کنگ، نجی شعبہ ءِ گوما کمک کنگ ءِ واستہ سیمی فریق ءِ تصدیق ءِ میکانزم ءِ جوڑ کنگ ءِ لوٹ کتگ۔ ہاؤسنگ پروجیکٹس ءِ جوڑ کنگ ءِ ہدایت کنگ ءِ وھد ءَ آئی ءَ گوشت کہ حکومت پاکستان ءِ ہر شہری ءَ را کم ھرچیں ہاؤسنگ ءِ پھجارینگ ءِ واستہ ھرچ وڑیں گامگیج چست کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر شہباز شریف ءِ سروکی ءَ ادا وزارت ہاؤسنگ ءِ برجاھیں منصوبگ آنی ھوالگ ءَ چار ءُ تپاسی دیوان برجم دارگ بوت۔ گند ءُ نند ءِ ساھت ءَ مزن وزیر ءَ ہدایت کت کہ سرکاری ملازم ءُ الس ءِ واستہ جوڑیشت ءِ منصوبگ آنی واستہ میاں اوستمانی تک ءَ نامداریں کنسٹرکشن کمپنی آناں گچین کنگ بہ بیت تعمیراتی منصوبگ آنی واستہ کمپنی آنی گچین کاری یک شفافیں عمل ءِ وسیلگ ءَ کنگ بہ بیت ءُ میرٹ ءِ رد ءَ کنسٹرکشن پروجیکٹس معنا دار بہ بنت۔ اے وھد ءِ تہ ءَ سرجم کنگ بہ بیت۔ گند ءُ نند ءِ ساھت ءَ مزن وزیر ءَ را پی ڈبلیو ڈی ءُ ایندگر بے کاریں ادارگ آنی گیواری ءِ واستہ چست کتگیں گامگیج آنی بابت ءَ سرپد کنگ بوت۔ پی ڈبلیو ڈی ءُ ایندگر کارکردگی ادارگ آنی نوکیں رنگ ءُ دروشم ءِ وسیلگ ءَ کرپشن ءِ تہ ءَ کمی ءِ سر ءَ دل یکیمی ءِ درشانی کنان ءَ مزن وزیر ءَ گوشت کہ ملازم آنی واستہ استیں سرکاری ہاؤسنگ الاٹمنٹ سسٹم ءِ ڈیجیٹل کنگ ءَ را وش اتک کنگ بیت، ءُ پاکستان ءِ ھمک شہری ءَ را کمیں ھرچ ءُ درچ ءَ گس پجاری کنگ بیت۔ .ما شہری آناں ارزانیں لوگ ءِ پھجارینگ ءِ واستہ ھرچ وڑیں گامگیج چست کن ایں شہری آناں کم ھرچیں لوگ ءِ پھجارینگ ءِ منصوبگ آنی تہ ءَ کرپشن ءِ کم کنگ ءِ واستہ اصلاحات جاری انت۔ آئی ءَ گوشت کہ حکومت ءِ کوشست آنی سبب ءَ انٹرنیشنل اسٹیج ءَ پاکستان ءِ امیج بحال بوتگ، ملک ءَ ایندگر اسپورٹس ءُ انٹرنیشنل کانفرنس برجم دارگ بوھگ ءَ انت ایشی ءِ واستہ ایندگر ملک آنی مہمان آناں وش آتک کنگ بوھگ ءَ انت۔ بیمارستان و دگہ آسراتی جوڑ کنگ بیت ۔ مزن وزیر ءَ انٹرنیشنل نودربر آنی واستہ آسراتی پجاری ءِ واستہ وزارت ہاؤسنگ ءَ چہ یک سرجمیں منصوبگ ءِ لوٹ کتگ۔ مزن وزیر ءَ ہدایت کت کہ مارچ ءَ تاں راجی ہاؤسنگ پالیشی ءِ جوڑیشت سرجم کنگ بہ بیت ءُ منظور کنگ بہ بیت۔ مزن وزیر ءَ گوشت کہ وزارت ءِ چیر دستی ءَ برجاھیں سرکاری گس آنی منصوبگ زوت سرجم کنگ بہ بنت تانکہ مزدور تبک ءَ را زوت سستیں گس آنی سیت چست بہ بیت۔ مزن وزیر ءَ ہاؤسنگ ءِ وزارت ءُ ایندگر وزارت آناں ہدایت کت کہ آ یک کمیٹی یے جوڑ بہ کن انت کہ آ ناکارہیں ادارگ آنی تجزیہ ءُ اصلاحات ءَ بہ کن انت ءُ اے کمیٹی ءَ را نہ ایوک ءَ ہاؤسنگ ءِ وزارت ءَ را بلکینگ ءَ ایندگر وزارت آناں وتی اصلاحات ءِ تہ ءَ المی ئیں کمک بہ کن انت۔ of Housing مزن وزیر ءَ را وزارت ءِ جتا جتائیں ادارگ آنی تہ ءَ برجمیں اصلاحات آنی تہ ءَ برجمی ءُ عمل درآمد ءِ ھوالگ ءَ سرپد کنگ بوت۔ دیوان ءَ را گوشت بوت کہ راجی ہاؤسنگ پالیسی 2001 ءِ واستہ توامیں اسٹیک ہولڈر آنی گوما شور ءُ سلاھ سرجم کنگ بوتگ ءُ مزن وزیر ءِ ہدایت آنی رژنائی ءَ ایشی ءِ گڈی منظوری ءِ عمل مارچ 2025ءَ تاں سرجم کنگ بیت۔ دیوان ءَ گوشگ بوت کہ سرکاری ملازم آناں گس آنی الاٹمنٹ ءُ کرایہ ءِ وصولی ءِ نظام ءَ را جوانی کنگ بوتگ ایشی ءَ چہ کرپشن ءِ ہلاس کنگ ءُ نظام ءَ را شفافیت آرگ ممکن بیت۔ مزن وزیر ءَ را پاکستان ہاؤسنگ اتھارٹی ءِ چیر دستی ءَ جاری ءُ آیوکیں منصوبگ آنی بابت ءَ ھم سرپد کت۔ دیوان ءَ گوشگ بوت کہ اے وھد ءَ کوئٹہ ءِ شہر کوچلک ءَ 630 کم ھرچ ءُ درچ ءِ یونٹ ءُ اسلام آباد ءَ 4112 رہائشی یونٹ آنی سر ءَ کار بوھگ ءَ انت۔ مزن وزیر ءَ اے منصوبگ آنی زوتیں رنگ ءَ عمل درآمد ءُ سیمی فریق ءِ تصدیق ءِ ہدایت کت۔ دیوان ءَ گیش سرپدی دیگ بیت کہ پشاور ءَ 5728کم ھرچیں رہائشی یونٹ آنی سر ءَ زوت کار بندات کنگ بیت وھدیکہ نزیکیں وھد ءَ راولپنڈی ءُ اسلام آباد ءَ 5600 رہائشی یونٹ آنی سر ءَ کار بندات کنگ بیت۔ مزن وزیر ءَ ہدایت کت کہ توامیں رہائشی منصوبگ آنی تہ ءَ نامداریں تعمیراتی کمپنی آنی ازمت آناں کارمرد کنگ بہ بیت مزن وزیر ءَ را بنجاھی حکومت ءِ ملازم ہاؤسنگ اتھارٹی ءِ کار آنی ھوالگ ءَ سرجمیں بریفنگ دیگ بوت۔ دیوان ءَ بنجاھی حکومت ءِ ملازم ہاؤسنگ اتھارٹی ءِ ڈیٹاائزیشن ءُ اصلاحات ءِ بابت ءَ ہم سرپدی دیگ بوت۔ دیوان ءَ را سرپد کنگ بوت کہ آن لائن ادائیگی، شکایت آنی گیواری ءِ واستہ تفصیلی نظام، ون ونڈو آپریشن، ریئل ٹائم مانیٹرنگ، کیس ٹیگنگ ءُ ایندگر اصلاحات ءِ وسیلگ ءَ نظام ءَ شفافیت ءُ کارکردگی آرگ ءِ واستہ گامگیج کنگ بوھگ ءَ انت۔ اتھارٹی اسلام آباد کیپیٹل ٹیریٹری ءَ پنچ ستارہ ہوٹل، ہسپتال، آئی ٹی پارک، اپارٹمنٹ کمپلیکس ءُ میاں اوستمانی معیار ءِ اسکول ءِ جوڑ کنگ ءِ منصوبگ ءِ ہم جار جتگ۔ مزن وزیر ءَ اندازگ ءِ ھرچ ءُ درچ ءُ لوٹ ءِ وھد ءِ گوما زوت اے ھوالگ ءَ یک سرجمیں ایکشن پلان ءِ تیار کنگ ءِ ہدایت کت ایشی ءِ تہ ءَ بنجاھی وزیر ریاض حسن پرزادہ، احد خان چمد، عطا اللہ تارڑ ءُ سیادی داروکیں مزن مزنیں کارندہ آنی بھر زوری بوت۔
