بنجاھی وزیر اھوالکاری عطا اللہ تارڑ ءَ سینئر صحافی جاوید شہزاد ءِ لوگ ءَ تر ءُ تاب کتگ ءُ آئی ءِ بیرانی ءِ سر ءَ دلپدردی درشان کتگ، ءُ فاتحہ ءِ پیشکش کتگ

راولپنڈی ۔13جنوری  (اے پی پی): بنجاھی وزیر اھوالکاری، نشریات، راجی ورثہ ءُ دود ءُ ربیدگ عطا اللہ تارڑ ءَ سینئر صحافی جاوید شہزاد ءِ بیرانی ءِ سرا دلپدردی ءِ درشان کنگ ءِ ھاتر ءَ آئی ءِ گس ءِ تر ءُ تاب کتگ ءُ بیران بوتگیں آئی ءِ برات، سینئر صحافی ءُ کھول ءِ کھول خرم ءِ دگہ شہزاد ءَ گوں ہم گند ءُ نند کتگ۔ دلپدردی ءُ ھمدردی ءِ درشانی کنگ بوت ءُ پہ مرتگیں ارواح ءَ فاتحہ ءِ وانگ بوت۔ اے موہ ءِ سر ءَ بنجاھی وزیر ءِ اھوالکاری ءَ گوشت کہ جاوید شھزاد یک محنتی ءُ توانمندیں اھوالکارے بوتگ آئی ءَ وتی زند ءِ یک مزنیں بھرے اھوالکاری ءِ واستہ ندر کتگ آئی ءِ بیرانی ءَ چہ صحافت ءِ شوبگ ءَ یلہ داتگیں ھالیگیں جاہ کدی پُر نہ بیت۔ آئی ءَ گوشت کہ بیران بوتگیں مردم ءِ اھوالکاری ءِ ھزمت دائم ءَ یات کنگ بنت۔ بنجاھی وزیر ءَ گوشت کہ آ یک پیم ءَ ھاندان ءِ غم ءَ شریک اِنت ءُ مرحوم جاوید شہزاد ءِ زھگ آناں ایوک ءَ یلہ نہ کنت، ءُ آھانی واستہ ھرچ وڑیں دلگوشی کنگ بیت۔ بنجاھی وزیر ءِ اھوالکاری ءَ نمیرانیں جاوید شہزاد ءِ اگدہ برز کنگ ءُ آئی ءِ کھول ءِ واستہ صبر ءُ اوپار ءِ دعا لوٹائینتگ۔ اے موہ ءِ سر ءَ مزن وزیر ءِ میڈیا کوآرڈینیٹر بدار شہباز وڑائچ ھم ساڑی ات۔