پاکستان ءَ ٹیکسٹائل پارک آنی بابت ءَ کانود ءِ ھوالگ ءَ ورکنگ گروپ ءِ دیوان ءِ سروکی ءَ نائب مزن وزیر واجہ محمد اسحاق ڈار  ءَ کت

اسلام آباد۔13جنوری  (اے پی پی): جمعہ ءِ روچ ءَ پاکستان ءَ ٹیکسٹائل پارک آنی جوڑ کنگ ءِ کارگس ءِ دیوان ءِ سروکی ءَ نائب مزن وزیر ءُ دری کارانی وزیر محمد اسحاق ڈار ءَ کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ دیوان ءَ وزیر ءِ سرمایہ کاری، صوبائی وزیر، وزارت ءِ درئی کار ءِ سیکرٹری، وزارت ءِ صنعت ءِ سیکرٹری، سرمایہ کاری بورڈ ءِ سیکرٹری، شورا ءِ ھاسیں سرمایہ کاری ءِ آسراتی ءُ دگہ مزنیں مسئولین ءَ را دیم ءَ برتگ۔ نائب مزن وزیر ءَ پاکستان ءِ ٹیکسٹائل ءِ شوبگ ءَ سرمایہ کاری ءِ ارزشت ءِ سر ءَ زور پر دات ءُ سیادی داروکیں محکمہ آناں ہدایت کت کہ آ پاکستان ءَ ٹیکسٹائل پارک آناں زوت سرجم بہ کن اَنت ءُ پاکستان ءَ برآمدات ءِ سر ءَ بنیات ءِ صنعت آنی تہ ءَ سرمایہ کاری ءَ را گیش کنگ ءِ واستہ کوشست بہ کن اَنت۔