وزیراعظم محمد شہباز شریف نا تربت اٹی بمب دھماکہ نا مذمت

اسلام آباد۔ 13 جنوری (اے پی پی) وزیراعظم محمد شہباز شریف تربت اٹی سڑک نا کنار ہ غا بمب دھماکہ نا مذمت ءِ کرسا پارینےکہ بلوچستان اٹی بدامنی تالان کروک آ شرپسند آتا ڈٹ آتے اسُل سرسہب مننگ کن الیپنہ۔ دوشنبے نادے آ وزیراعظم آفس نا میڈیا ونگ انا کنڈآن جاری بیان اٹی وزیراعظم دھماکہ ٹی زوال کروک آ شاری تا درجہ غاتا بڑزی و خاہوت کن صبر وجمیل نا دعاکرے۔ وزیراعظم واقعہ نا جاست وپاست و زموار آتا دمدستی پیدواری ءِ کرسا اوفتے سخت سزا ترفنگ نا پارت کرے۔ اوپارے کہ شرپسند زموار آتا بلوچستان اٹی بدامنی تالان کننگ نا ڈٹ آتے اسُل سرسہب مننگ کن الیپنہ۔ پاکستان ءِ دہشت گردی نا عفریت آن پاک کننگ اسکان دہشت گردی نا برخلاف جنگ ءِ برجاتخنہ۔ وزیراعظم پارے کہ دہشت گرد آک بلوچستان نا شونداری نا دشمن ءُ۔ SMH/OAB/AH/12:22pm