راولپندی – شمالی وزیرستان ءِ ضلع آنی تہ ءَ سیکورٹی فورسز ءَ دو جتا جتائیں آپریشن آنی تہ ءَ 9 درئی ناشرکار کشتگ اَنت۔ پاکستانی فوج ءِ انٹر سروسز پبلک ریلیشنز ءِ نیمگ ءَ چہ جاڑی بوتگیں بیان ءَ گوشت کہ خوارج ءِ ھست بوھگ ءِ بابت ءَ ھال ءِ سر ءَ سیکورٹی فورسز ءِ نیمگ دو سالی دمگ ءِ جنرل ایریا ءَ انٹیلی جنس ءِ بنیات ءَ آپریشن کنگ بوتگ۔ سیکورٹی فورسز آپریشن ءَ خوارج ءِ پناہ گاہ ءَ را موثر نشانگ جوڑ کتگ ءُ ایشی ءِ آسر ءَ 6 خوارج کشگ بوتگ انت وھدیکہ دو خوارج دزگیر کنگ بوتگ انت۔ شدیدیں تیرگواری ءَ پد سیکورٹی فورسز ءَ سئے خوارج کشتگ ءُ دو ٹپیگ کتگ چہ کشگ بوتگیں خوارج ءِ دست ءَ سلاہ، گولہ بارود ءُ تراکناکیں چیز ھم برآمد کنگ بوتگ اَنت کہ سیکورٹی فورسز ءِ ھلاپ ءَ بازیں ناشرکاری کارروائیانی تہ ءَ کارمرد کنگ بوتگ اَنت۔ بے گناہیں شہری آنی نشانگ جوڑ کنگ ءِ تہ ءَ ھم سرگرم بوتگ اَنت۔ بیان ءِ تہ ءَ گیش کنگ بوتگ کہ اے دمگ ءَ دگہ درملکی مردم دست کپتگ اَنت آھاں ھلاس کنگ ءِ واستہ کلیئرنس آپریشن برجاہ اِنت ءُُ پاکستان ءِ سیکورٹی فورسز ملک ءَ چہ ناشرکاری ءِ آفت ءَ را ھلاس کنگ ءِ واستہ جزمیگ آں ۔
