اسلام آباد۔12جنوری (اے پی پی): وانگ ءُ زانگ ءُ پیشہ وارانہ تربیت ءِ بنجاھی وزیر خالد مقبول صدیقی ءَ گوشت کہ مارا یکجائی ءَ جنک آنی وانگ ءُ زانگ ءِ دیم ءَ اوشتاتگیں رکاوٹ آنی ھلاسی ءِ واستہ کار کنگی اِنت مئے حکومت جنک آناں جوانیں وانگ ءُ زانگ ءِ رسگ ءَ را دل یکیمی کنگ ءِ واستہ جزم اِنت۔ یک شمبے ءِ روچ ءَ ”مسلمانیں چاگرد ءَ جنک آنی وانگ ءُ زانگ: چیلنج ءُ موہ“ ءِ سرھال ءِ سر ءَ دو روچی گلوبل کانفرنس ءِ گڈی مراگش ءَ گوں تران کنان ءَ آئی ءَ گوشت کہ من بنجاھی وزیر وانگ ءُ زانگ ءِ بستار ءَ پابند آں ۔ اے گپ ءَ را دل یکیمی کنگ ءَ کہ پاکستان ءِ ہر زھگ ءَ چہ آئی ءِ جنس، چاگردی، معاشی پسماندہ یا جغرافیائی جاہ ءَ چہ ہچ پرواہ نیست، آ شریں وانگ ءُ زانگ ءِ رسائی ءَ بہ کنت۔ آئی ءَ گوشت کہ مارا اے گپ ءَ را منگی اِنت کہ جنک آناں وت مستر جوڑ کنگ، وشھالی، دیمروئی، ءُ وشھالی ءِ تہ ءَ وانگ ءُ زانگ ءِ ھاسیں کرد اِنت۔ متاسفانه انگت لہتیں چاگرد جنک ءِ وانگ ءِ ھلاپ انت۔ یک راجی ءِ بستار ءَ مارا اے چاگردی رہبند ءُ رویہ آں چیلنج کنگ ءِ واستہ یکجائی ءَ کار کنگی انت آئی ءَ گوشت کہ جنک آنی وانگ ءُ زانگ ایوک ءَ اخلاقی ضلورت نہ انت بلکینگ ءَ معاشی ضلورت انت۔ آئی ءَ گوشت کہ وانندگیں جنک آناں جوانیں روزگار ءِ موہ آنی گوما وتی ھاندان ءُ زھگ آناں جوانیں رنگ ءَ مدیت کت کن اَنت بنجاھی وزیر ءَ گوشت کہ جنک آنی وانگ ءُ زانگ ءِ ھوالگ ءَ مارا جیڈھ آنی دیمپانی کنگی اِنت۔ میلیوناں جنک چہ وانگجاہ ءَ در اَنت۔ آئی ءَ گوشت کہ جنک آناں وانگ ءُ زانگ ءِ رسگ ءِ تہ ءَ رکاوٹ آنی دیم ءَ کپگ ءِ واستہ مئے حکومت ءَ جنک آنی وانگ ءُ زانگ ءِ دیمروئی ءِ واستہ بازیں گامگیج بندات کتگ، ایشی ءِ مول ءُ مراد جنک آنی وانگ ءُ زانگ ءِ تہ ءَ کمی ءُ ملک ءِ وانگ ءُ زانگ ءِ نظام ءَ را گہتر کنگ اِنت۔ سرجمیں ملک ءَ وانگ ءُ زانگ ءِ کوالٹی ءَ را گیش ءُ گیوار کنگ ءَ گوشت کہ آ سرجمیں ملک ءَ چہ پد منتگیں ءُ میتگ آنی دمگ آنی تہ ءَ ھواریں وانگجاھ آنی بنیاتی ڈھانچہ ءِ گہتری ءِ واستہ ھم کار کنگ ءَ اَنت۔ آئی ءَ گوشت کہ آ استاد آنی تربیت، نوکیں اسکول آنی جوڑ کنگ، ءُ زالبولیں نودربر آناں اسکالرشپ ءِ پجارینگ ءِ وڑیں گامگیج آنی سر ءَ کار کنگ ءَ اَنت تانکہ وانگ ءُ زانگ ءِ کوالٹی ءَ را گہتر کنگ بہ بیت۔ آئی ءَ گوشت کہ یکجائی ءَ مارا یک انچیں چاگرد ءِ جوڑ کنگ لوٹ ایت کہ اودا جنک آناں معیاری وانگ ءُ زانگ ءِ رسائی ءِ دل یکیمی دیگ بہ بیت کہ ایشی ءِ تہ ءَ آ وتی توانائی ءَ را سرجمی ءَ پیش بہ دار اَنت آئی ءَ گوشت کہ جنک آنی وانگ ءُ زانگ ءِ دیمروئی ءِ تہ ءَ مات ءُ پت، استاد ءُ چاگرد ءِ کرد المی اِنت۔ رہشونانی ستا کنگ بہ بیت۔ مارا یکجاہ بوھگ لوٹ ایت کہ جنک آنی وانگ ءُ زانگ ءِ دیم ءَ اوشتاتگیں بندشاں دور بہ کنیں دانکہ وانگ ءُ زانگ ءِ تہ ءَ اے نابرابری ھلاس کنگ بہ بیت۔ اے موہ ءِ سر ءَ جنکیں زھگ آنی وانگ ءُ زانگ ءِ ھوالگ ءَ حکومت ءِ جزم ءِ درشان کنان ءَ بنجاھی وزیر ءَ گوشت کہ ما دل یکیمی کنگ ءِ واستہ بے مٹیں کار کنگ ءَ ایں کہ آ ملک ءَ معیاری وانگ ءُ زانگ ءِ رسائی ءَ بہ کن اَنت ءُ آ وتی توانائی ءَ را سرپد بہ کن اَنت شما وتی زندمان ءِ تہ ءَ دیم ءَ شُت کن اِت۔
