اسلام آباد۔12جنوری (اے پی پی): مزن وزیر محمد شہباز شریف ءَ شمالی وزیرستان ءَ فتنہ الخوارج ءِ حلاف ءَ سوبمندیں آپریشن ءِ پد ءَ سیکورٹی فورسز ءِ افسر ءُ کارندہ آنی توسیپ کتگ ءُ گوشت کہ اے آپریشن داں ھما وھد ءَ برجاہ مان ایت داں ناشرکاری ءِ راکشس سرجم ءَ ھلاس کنگ مہ بیت چہ ملک ءَ ما دیم ءَ جنگ ءَ برجاہ داریں۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ دو جتا جتائیں آپریشن آنی تہ ءَ فتنہ الخریج ءِ 9 ناشرکار آنی کوش ءِ واستہ سیکورٹی فورسز ءِ سیادی داروکیں افسر ءُ کارندہ آنی پیشہ وارانہ صلاحیت آناں توسیپ کتگ ءُ گوشت کہ جنگ ناشرکاری ءِ ھلاپ ءَ جنگ پہ درستاں سوبمندی اِنت۔ما راکشس ءِ ھلاپ ءَ ھما وھد ءَ تاں جنگ ءَ برجاہ داریں کہ آ ملک ءَ چہ سرجم ءَ ھلاس کنگ بہ بیت۔ آئی ءَ گوشت کہ ناشرکاری ءِ ھلاپ ءَ اے جنگ ءَ من ءَ ھوار سرجمیں راج مئے بہادریں سیکورٹی فورسز ءِ ھمراہ داری ءَ اوشتاتگ۔ مزن وزیر ءَ گوشت کہ سیکورٹی فورسز ءِ افسر ءُ کارندہ ملک ءِ ایمنی ءِ واستہ شپ ءُ روچ کار کنگ ءَ اَنت، وتی جند ءَ را لکیر ءِ سر ءَ ایر کنگ ءَ اَنت سرجمیں پاکستانی راج وتی بامردیں اُرد آناں شگر ءُ منت وار انت۔
