اسلام آباد۔11جنوری (اے پی پی):بنجاھی وزیر خزانہ سینیٹر محمد اورنگزیب 18 ایشیائی مالیاتی فورم ءِ تہا بہر زورگ ءِ ھاترا ہانگ کانگ ءَ شتگ۔ شمبے ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ وزیر ھزانگ ھانگ کانگ ءِ تر ءُ تاب ءِ ساھت ءَ مزنیں ایشیائی مالیاتی ادارگ آنی سروک ءُ مزنیں کارندہ آناں گوں گند ءُ نند کنت وزیر ھزانگ ایشیائی مالیاتی جیڈھ ءَ گوں تران کنان ءَ ملک ءِ اقتصادی منظر نامہ ءِ سر ءَ ھاسیں رنگ ءَ پدر کنت۔ فورم ءِ تر ءُ تاب ءِ ساھت ءَ وزیر ھزانگ ءَ بنجاہی ءُ چینی حکام، مالیاتی شعبہ ءِ ماہرین، پیشہ ور، سرمایہ کار، ءُ کاروباری مردم آنی گوما ھم گند ءُ نند کنت۔ وزیر خزانہ چین انٹرنیشنل کیپیٹل کارپوریشن لمیٹڈ، چین نیو انرجی اسکورل لمیٹڈ ءُ ایشیائی انفراسٹرکچر انویسٹمنٹ بینک ءِ سروکاں گوں گند ءُ نند کنت ءُ ہانگ کانگ ءِ ھاسیں انتظامی دمگ ءِ چیف ایگزیکٹو جان کے لی ءَ گوں ھم گند ءُ نند کنت۔ چین ءَ ابید وزیر ءِ ھزانگ آئی ءَ بلومبرگ، نکی ایشیا ءَ ھوار گچین بوتگیں میاں اوستمانی ءُ ایشیائی رسانکدر آنی نمائندگ آناں انٹرویو دنت ءُ ھانگ کانگ ءَ پاکستانی کمیونٹی ءِ سروکیں باسک ءُ سروک آنی گوما ھم گند ءُ نند کنت۔ زانگ بہ بیت کہ ایشیائی مالیاتی فورم ایشیائی مالیاتی، کاروباری، ءُ بااثریں حکومتی رہشون آنی واستہ یک ھاسیں پلیٹ فارم ءِ بستار ءَ کار کنت کہ آ ایشیائی نقطہ نظر ءَ چہ جہانی معیشت ءَ را متاثر کنوکیں کلیدی جیڈھ آنی بابت ءَ بصیرت ءُ گیواری ءِ شیئر کنگ ءَ انت۔
