اسلام آباد۔11جنوری (اے پی پی):نائب مزن وزیر ءُ دری کارانی وزیر سینیٹر محمد اسحاق ڈار ءَ گوں اسلامی کمک ءِ گل ءِ سیکرٹری جنرل حسین ابراہیم طحہٰ ءَ گند ءُ نند کت۔ دری کارانی کارگس ءِ جارچین ءِ نیمگ ءَ چہ جاڑی بوتگیں پریس ریلیز ءِ رد ءَ نائب مزن وزیر ءَ او آئی سی ءِ سیکرٹری جنرل ءَ را پاکستان ءَ وش آتک کتگ ءُ ’’مسلم کمیونٹیز ءَ جنک آنی وانگ ءُ زانگ: چیلنج ءُ موہ‘‘ ءِ بابت ءَ میاں اوستمانی کانفرنس ءَ او آئی سی ءِ بھر زوری ءِ سر ءَ ساڑاتگ ءِ درشانی کتگ۔ شریکداری ءِ مزنیں کچے ءَ۔ اے موہ ءِ سر ءَ غزہ ءُ میاں اوستمانی تک ءِ جاور ھال ، جموں ءُ کشمیر ، اوگانستان ءِ سر ءَ بھرتھ ءِ ناجائزیں قبضہ ، اسلاموفوبیا ، سرجمیں دگنیا ءَ مسلمانانی ھلاپ ءَ تبعیض ءُ زوراکی ، ءُ اے درگت ءَ او آئی سی ءِ کرد ءِ سر ءَ ھم گپ ءُ تران کنگ بوت . محمد اسحاق ڈار ءَ او آئی سی ءِ اصولی موقف ءُ کشمیری آں وتی وت واجہی ءِ حق ءِ ھاتر ءَ انصاف ءِ جہد ءِ بے مٹیں حمایت ءِ ھم توسیپ کتگ ءُ او آئی سی ءِ اسلاموفوبیا ءِ ھوالگ ءَ ھاسیں نمائندہ ءِ گچین کنگ ءِ ھم توسیپ کتگ۔
