ڈاکٹر مختار احمد بھرتھ ءَ سیمینار ءَ گوں تران کنان ءَ سرجمیں ملک ءَ چہ ہیپاٹائٹس ءِ ھلاسی مئے راجی اولویت اِنت اہل آبادی ءِ 50درسد ءِ اسکریننگ ءُ علاج ءَ را دل یکیمی کنگ بیت

اسلام آباد۔11جنوری  (اے پی پی):مزن وزیر ءِ جان سلامتی ءِ کوآرڈینیٹر ڈاکٹر مختار احمد بھرتھ ءَ گوشت کہ سرجمیں ملک ءَ چہ ہیپاٹائٹس ءِ ھلاسی مئے راجی اولویت اِنت اے نادراھی ءِ ھلاسی ءِ واستہ آیوکیں 3سال آنی واستہ 67.77ارب کلدار ءِ ھرچ ءُ درچ ایر کنگ بوتگ۔ اہل آبادی ءِ 50% ءِ آزمائش ءُ علاج ءَ را سئے سال ءَ چہ دل یکیمی کنگ بیت کہ ہیپاٹائٹس ءِ ھلاسی ءِ ھاتر ءَ مشترکہ عزم ءِ گوما اجتماعی کارروائی کنگ لوٹ ایت۔ اے ھیالانی درشانی آئی ءَ ہیپاٹائٹس ءِ ھلاسی ءِ ھوالگ ءَ ہیلتھ فاؤنڈیشن ءِ سیمینار ءَ گوں تران کنان ءَ کت۔ وزارت جان سلامتی ءِ جارکش ءِ رد ءَ جان سلامتی ءِ کوآرڈینیٹر ڈاکٹر مختار احمد بھرتھ ءَ گوشت کہ سرجمیں ملک ءَ چہ ہیپاٹائٹس ءِ ھلاسی مئے راجی اولویت اِنت۔ ہیپاٹائٹس ءِ ھلاسی ءِ واستہ یکجائی عزم ءِ گوما یکجاھیں کارروائی ءِ ضلورت اِنت پاکستان ءَ دگنیا ءِ تہ ءَ ہیپاٹائٹس سی ءِ نادراہ آنی کساس گیش اِنت۔ سرجمیں دگنیا ءَ ہپاٹائٹس ءِ 60 ملین کیس آنی تہ ءَ چہ 10 ملین نادراہ پاکستان ءَ اَنت۔ آئی ءَ گوشت کہ پاکستان ءَ ہیپاٹائٹس ءِ ھلاسی ءِ نیمگ ءَ مزنیں پیشرفت کتگ۔ بنجاھی  حکومت ءَ توامیں صوبہ آنی کمک ءَ ایچ سی وی انفیکشن ءِ ھلاسی ءِ واستہ مزن وزیر ءِ پروگرام بندات کتگ ایشی ءِ تہ ءَ آیوکیں سئے سال آنی واستہ 34.15ارب کلدار ءِ زرّ ایر کنگ بوتگ ایشی ءِ تہ ءَ صوبائی حکومت آنی نیمگ ءَ چہ 33.61ارب کلدار ءِ کمک کنگ بوتگ ایشی ءِ تہ ءَ کلیں زرّ 33.61کروڑ بوتگ۔ ایشی ءِ تہ ءَ 67.77ارب کلدار بیت۔ ڈاکٹر مختار احمد بھرتھ ءَ گیش گوشت کہ مزن وزیر ءِ گامگیج ءِ مول ءُ مراد سئے سال ءِ تہ ءَ 50درسد اہل آبادی ءِ اسکریننگ، ٹیسٹنگ ءُ علاج ءَ را دل یکیمی کنگ اِنت۔ آئی ءَ گوشت کہ آ سرجمیں ملک ءَ ہیپاٹائٹس ءِ ھلاسی ءِ واستہ اسکریننگ ءَ را دل یکیمی کنگ ءَ اَنت، ءُ ہیپاٹائٹس ءِ ٹیسٹ مثبت بوتگیں نادراھ آنی وھد ءِ سر ءَ علاج ءَ را دل یکیمی کنگ لوٹ اَنت، گیشیں میاں اوستمانی کمک ءِ گوما 100درسد ایچ سی وی ءِ اسکریننگ، ٹیسٹنگ ءُ علاج ءَ را پک کنگ بیت۔ڈاکٹر مختار احمد بھرتھ ءَ گیش کت کہ ہیپاٹائٹس کنٹرول ءِ ھاتر ءَ راجی تکنیکی مشاورتی گروپ جوڑ کنگ بوتگ، جان سلامتی ءِ کارندہ آنی تربیت، راجی سافٹ ویئر ءُ رسد ءَ را گیش کنگ بوھگ ءَ اِنت اے مول ءُ مراد آنی سرجمی ءِ ھاتر ءَ ما میاں اوستمانی کمک، تکنیکی کمک ءِ لوٹ کن ایں ۔ تفصیلی منصوبہ بندی ءِ تیاری ءَ ، ءُ آہانی سرا عمل کنگ ءَ ۔ مارا ہیپاٹائٹس ءِ بابت ءَ زانتکاری ءُ راجی سپلائی چین ءِ نظام ءَ را گیش کنگ ءِ ھاتر ءَ کمک ءِ ضلورت اِنت ما اے چیلنج ءَ را میاں اوستمانی شریک، سی ایس اوز ءُ این جی اوز ءِ کمک ءُ کمک ءَ چہ دیم ءَ اتک کنیں۔ مزن وزیر ءِ جان سلامتی ءِ کوآرڈینیٹر ڈاکٹر مختار احمد بھرتھ ءَ گوشت کہ الس ءِ جان سلامتی ءُ وشھالی ءِ واستہ ہیپاٹائٹس ءِ ھلاسی ءِ مول ءُ مراد آنی سرجمی ءِ واستہ موثر گامگیج چست کنگ المی انت اگاں ترندیں گامگیج آنی نہ بوھگ ءَ پاکستان ءَ را 11ملین ءَ چہ گیش مردم آنی گوما دیم پہ دیم بوھگی انت۔ 2035 ءَ تاں ہیپاٹائٹس سی ءِ کیس سی وی ءِ کیس ءِ دیم ءَ اتک کنت۔