اسلام آباد۔11جنوری (اے پی پی): مزن وزیر محمد شہباز شریف ءَ گوشت کہ جنک آنی وانگ ءُ زانگ ءِ ھوالگ ءَ میاں اوستمانی کانفرنس ءِ برجم دارگ ءَ چہ جنک آنی وانگ ءُ زانگ ءِ دیمروئی ءَ کمک رسیت۔ جنک آنی وانگ ءُ زانگ ءِ ھوالگ ءَ میاں اوستمانی کانفرنس ءَ بھر زوروکیں مسلمان ملک آنی وانگ ءُ زانگ ءِ وزیر آناں وش اتک کنان ءَ مزن وزیر محمد شہباز شریف ءَ گوشت کہ زالبول آنی وانگ ءُ زانگ ءِ ھوالگ ءَ شمئے بھر زوری ءِ واستہ شمئے منت وار آں اے کانفرنس وھد ءِ زوتیں لوٹ اِنت۔ آئی ءَ گوشت کہ من وتی کلوہ ءِ تہ ءَ جنک آنی وانگ ءُ زانگ ءِ دیمروئی ءِ ھوالگ ءَ پاکستان ءِ دیم ءَ جیڈھ آنی سر ءَ چمشانک داتگ۔ آئی ءَ گوشت کہ 22.8ملین زھگ انگت ءَ وانگجاہ ءَ چہ در اَنت ایشی ءِ تہ ءَ پاکستان ءِ گیشتریں صوبہ ءُ ایندگر دمگ آنی تہ ءَ زھگ آنی وانگجاہ آنی تہ ءَ داخلہ ءِ واستہ سرجمیں کوشست کنگ بوھگ ءَ اِنت۔ . آئی ءَ گوشت کہ مرچی ءِ کانفرنس ءَ اسلامی ملک آنی تہ ءَ جنک آنی وانگ ءُ زانگ ءِ دیمروئی ءِ واستہ یکجائی گامگیج آنی ضلورت ءِ سر ءَ ھم زور پر دات۔ مزن وزیر ءَ گوشت کہ مئے رسول اللہ صلى الله عليه وسلم ءَ جنک آنی وانگ ءُ زانگ ءِ نیمگ ءَ ھم ہدایت کتگ۔ اے وانینگ آنی رژنائی ءَ مئے حکومت وتی تجربگ آناں ایندگر ملک آنی وانگ ءُ زانگ ءِ وزیر آناں گوں بھر ءُ بانگ کنگ ءَ جزم اِنت آئی ءَ گوشت کہ جنک آنی وانگ ءُ زانگ ءِ ھوالگ ءَ میاں اوستمانی کانفرنس ءِ برجم دارگ ءَ چہ جنک آنی وانگ ءُ زانگ ءِ دیمروئی ءَ کمک رسیت۔ وانگ ءُ زانگ ءِ دیمروئی ءِ تہ ءَ کمک کن اَنت ءُ آ اسلامی ملک آنی تہ ءَ وتی ھاندان آنی تہ ءَ وانگ ءُ زانگ ءِ دیمروئی ءِ تہ ءَ ھاسیں کرد پیلو کن اَنت ءُ مزن وزیر محمد شہباز شریف ءَ وانگ ءُ زانگ ءُ تربیت ءِ وفاقی وزیر ڈاکٹر مقبول صدیقی ءَ را مسلمان ملک آنی وزیر آناں آشنا کنان ءَ گوشت کہ . نائب مزن وزیر ءِ سروکی ءَ ڈاکٹر مقبول صدیقی آئی ءِ سرجمیں ٹیم مزنیں کوشست کنگ ءَ انت۔ آئی ءَ گوشت کہ یک مزن تک ءِ کمیٹی وانگ ءُ زانگ ھاسیں رنگ ءَ جنک آنی وانگ ءُ زانگ ءِ دیمروئی ءِ واستہ کتگیں گامگیج آنی سر ءَ چار ءُ تپاسی کنگ ءَ انت ءُ صوبگ آناں ھم کمک کنگ ءَ انت۔ آئی ءَ یک رندے پدا کانفرنس ءِ بھر زوروک آنی منت واری ءِ درشان کت ءُ گوشت کہ اے مئے واستہ یک ھاسیں موہ انت کہ ما وتی سیادی ءَ را گیش پراھ ءُ مھکم بہ کن ایں ۔ وفاقی وزیر تعلیم ءُ تربیت ڈاکٹر خالد مقبول صدیقی ءَ مزن وزیر، آئی ءِ سرجمیں ٹیم، ءُ کانفرنس ءِ بہر زوروک آنی نیمگ ءَ کانفرنس ءِ برجم دارگ ءُ بھر زوری ءِ تہ ءَ وتی کرد ءِ سر ءَ منت واری ءِ درشانی کت۔ ترکی ءِ وانگ ءُ زانگ ءِ وزیر ءَ مزن وزیر ءَ را کانفرنس ءِ برجم دارگ ءِ سرا مبارکی دات ءُ گوشت کہ کانفرنس پاکستان حکومت ءُ وانگ ءُ زانگ ءِ وزیر ءِ نیمگ ءَ سک باز ھاسیں ایجنڈا ءِ سرا برجم دارگ بوتگ۔ آئی ءَ اے امیت ھم درشان کت کہ کانفرنس ءَ چہ جنک آنی وانگ ءُ زانگ ءِ ھوالگ ءَ منفی پروپیگنڈا ءِ ھم دیم ءَ دارگ ءُ جنک آنی زرّ ءِ شرح ءَ را گیش کنگ بیت۔ دیوان ءَ بھر زوروکیں سومالی ءِ وزیر ءَ وتی وانگ ءُ زانگ ءِ وھد ءَ پاکستان ءِ جوڑیشت ءُ آئی ءِ دیمروئی ءِ بابت ءَ گپ جتگ ءُ گوشتگ کہ سرجمیں اسلامی دگنیا ھاسیں رنگ ءَ سومالیہ ءَ جنک آنی وانگ ءُ زانگ ءِ ھوالگ ءَ جیڑھ ءُ جنجال آنی دیمپان انت۔ آئی ئَ گوشت کہ مئے ملک ئَ ھم مزنیں کساس ئَ زھگ سکول ئَ چہ ڈن انت من اے کانفرنس ئَ بھر زوری کنگ ئَ آں کہ ایشی ئَ چہ ایندگہ ملک ئِ تجروبت ئَ سیت چست بہ کناں۔ آئی ءَ گوشت کہ مسلم امت ءِ ھوالگ ءَ پاکستان ءِ کرد ستا کرز انت ۔ گند ءُ نند ءِ ساھت ءَ کرغزستان ءِ وانگ ءُ زانگ ءِ وزیر ءَ گوشت کہ جنک آنی وانگ ءُ زانگ ءِ دیمروئی ءِ واستہ کانفرنس ءُ ایشی ءِ ایجنڈا سک باز المی انت۔ آئی ءَ گوشت کہ پاکستان ءَ توامیں مسلم ملک آنی واستہ یک پلیٹ فارم ءِ داتگ ایشی ءَ چہ مارا توامیں ملک آں سیت زورگ لوٹ ایت۔ ملائیشیا ءِ وانگ ءُ زانگ ءِ وزیر ءَ گوشت کہ پاکستان ءِ مزن وزیر، وفاقی وزیر وانگ ءُ زانگ ءُ اسلامی دگنیا ءِ سیادی اے ھاسیں دیوان ءِ برجائی ءِ سر ءَ مبارکی ءِ مستحق اَنت۔ اے کانفرنس ءَ چہ وانگ ءُ زانگ ءُ جنک آنی وانگ ءُ زانگ ءِ دیمروئی ءَ کمک رسیت ۔ انوگیں جاوراں جنین آدمانی وانگ گیشتر ھژدری بوتگ۔ آئی ءَ مزن وزیر ءِ کانفرنس ءِ گشتانک ھم ساڑات۔ مالدیپ ءِ وانگ ءُ زانگ ءِ وزیر شمیم علی سعید ءَ وتی گشتانک ءِ تہا گوشت کہ آ پاکستان ءُ آئی ءِ الس ءِ منت وار آں، گامبیا ءِ وانگ ءُ زانگ ءِ وزیر ءَ وتی گشتانک ءِ تہ ءَ کانفرنس ءِ میزبانی ءِ واستہ پاکستان ءِ منت واری ءِ درشانی کت ءُ گوشت کہ اے کانفرنس جنک آنی وانگ ءُ زانگ ءِ واستہ سک باز المی اِنت۔ . آئی ءَ گوشت کہ کانفرنس ءِ برجائی ءَ چہ وانگ ءُ زانگ ءِ ھوالگ ءَ مسلم امت ءِ عزم ءِ درشان انت۔ مالدیپ ءِ نیمگ ءَ چہ ڈاکٹر احمد عادل اخر ءَ مزن وزیر، حکومت ءُ الس ءَ را کانفرنس ءِ برجم دارگ ءِ سرا مبارکی دات ءُ گوشت کہ دگنیا ءِ تہ ءَ اسلام ءِ جوانیں اکس ءَ را پدر کنگ ءَ پاکستان ءَ مدام ھاسیں کرد پیلو کتگ ءُ اے کانفرنس ھم اے زنجیر. . گند ءُ نند ءِ موہ ءَ تران کنان ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ کانفرنس ءِ بھر زوروک آناں پاکستان ءَ وش آتک کناں۔ آئی ئَ گوشت کہ مزن وزیر ئَ کانفرنس ئَ وتی گشتانک ئِ تہ ئَ مول ءُ مراد آنی سر ئَ سرجمیں رنگ ئَ گپ جتگ۔ آئی ءَ گوشت کہ وانگ ءُ زانگ ھاسیں رنگ ءَ جنک آنی وانگ ءُ زانگ ءِ دیمروئی ءِ واستہ ایندگر ملک آنی گوما کمک کنگ ءِ واھشت مند آں۔ گند ءُ نند ءَ وفاقی وزیر ءِ اھوالکاری ءُ شنگکاری عطا اللہ ترار ءُ وفاقی وزیر ءِ کانود اعظم نظیر ترار ءِ ھمراھی ءَ ایندگر مزنیں کارندہ ھم ھوار اتنت۔
