اسلام آباد۔11جنوری (اے پی پی): مزن وزیر محمد شہباز شریف ءَ گوشت کہ جنک آناں مھکمیں وانگ ءُ زانگ ءِ موہ آنی پجارینگ ءِ واستہ یکجاھیں کوشست کنگ لوٹ ایت جنک آناں جوانیں وانگ ءُ زانگ ءِ پجارینگ ءَ چہ چاگرد ءَ را مھکم ءُ دیمروئی کتگیں حکومتی ادارگ آناں 2019 ءَ کمک کنگ لوٹ ایت۔ جنک آنی وانگ ءُ زانگ ءَ را دل یکیمی کنگ ءِ واستہ پیمائش ءُمھکمیںیں موہ آنی شوھازگ زالبول آناں وتی صلاحیت آنی گوما راجی ءُ جھان ءِ معیشت ءِ تہ ءَ موثریں کرد پیلو کنگ ءِ سرجمیں صلاحیت ھست۔ اے ھیالانی درشانی مزن وزیر محمد شہباز شریف ءَ شمبے ءِ روچ ءَ برجم داشتگیں دو روچی میاں اوستمانی کانفرنس ءِ بنگیجی دیوان ءَ گشتانک دیان ءَ کت۔ مزن وزیر محمد شہباز شریف ءَ جہانی ءُ بنجاہی تنظیم، خیرخواہ ءُ کاروباری ادارگ آنی سر ءَ زور پر دات کہ آ جنک آنی وانگ ءُ زانگ ءَ را دل یکیمی کنگ ءِ واستہ پیمائش ءُمھکمیںیں موہ آنی شوھازگ ءَ حکومت ءِ کمک ءَ بہ کن اَنت۔ جنک آناں شریں وانگ ءُ زانگ ءِ پھجاری ءَ چہ چاگرد گیش مھکم ءُ دیمروئی کنت ۔ آئی ءَ گوشت کہ زالبول آنی تہ ءَ وتی صلاحیت آنی گوما راجی ءُ جھان ءِ معیشت ءِ تہ ءَ جوانیں کرد پیلو کنگ ءِ سرجمیں صلاحیت است انت۔ مزن وزیر ءَ کانفرنس ءِ بھر زوروک آناں وش اتک کنان ءَ گوشت کہ کانفرنس ءِ میزبانی پاکستان ءِ واستہ شرپ ءِ گپ اِنت۔ مزن وزیر ءَ گوشت کہ آیوکیں دہ سال ءِ تہ ءَ لاکھوں ورنائیں جنک نوکری ءِ مارکیٹ ءَ داخل بنت، ایشی ءِ تہ ءَ چاگردی دیمروئی ءُ اقتصادی وشھالی ءِ واستہ بے دروریں گنجائش است انت۔ آئی ءَ گوشت کہ زالبول آنی تہ ءَ نہ ایوک ءَ وت ءَ را، وتی ھاندان ءُ وتی راج ءَ را گریبی ءَ چہ در کنگ ءِ صلاحیت ھست، بلکیں جھان ءِ معیشت ءِ تہ ءَ کرد پیلو کنگ ءُ یکجائی چیلنج آنی نوکیں گیواری ءِ شوھازگ ءِ صلاحیت ھم است اِنت۔ مزن وزیر ئَ گوشت کہ قائداعظم محمد علی جناح راجی جوڑیشت ئِ تہ ئَ زالبول آنی کرد ئِ مھکمیں کمک ئِ مردم بوتگ۔ آئی ءَ گْوشتگ اَت کہ ھچ راج ھما وھد ءَ مزن بوھگ ءِ بالاد ءَ سر نہ بیت کہ آئی ءِ جنین آدم وتی مردینانی ھمراھی ءَ مہ اوشت اَنت۔ مزن وزیر ءَ گوشت کہ وتی وشھالیں میراث ءِ باوجود پاکستان ءَ ھوار جنک آناں وانگ ءُ زانگ ءِ یک پیم ءَ رسائی ءَ را دل یکیمی کنگ ءَ مسلمانیں دگنیا ءَ را مزنیں چیلنج آنی دیم ءَ انت۔ آئی ءَ گوشت کہ جنک آناں وانگ ءُ زانگ ءَ چہ زبھر کنگ ءِ برابر اِنت کہ آ وتی توار ءُ گچین کاری ءَ چہ زبھر کنگ بہ بنت ءُ ھمے وھد ءَ آھاں چہ وشیں باندات ءِ ھک ءَ ھم زبھر کنگ بہ بیت۔ آئی ءَ اے گپ ءِ نیمگ ءَ دلگوش گور کت کہ پاکستان ءِ تہ ءَ زالبول کلیں آبادی ءِ نیم ءَ چہ گیش اَنت، پدا ھم زالبولانی وانندگی ءِ شرح ایوک ءَ 49 درسد اِنت، وھدے کہ پنچ ءُ ھشت سال ءِ نیام ءَ 22.8 ملین زھگ چہ وانگجاہ ءَ در اَنت ایشی ءِ تہ ءَ یک تناسبی کساسے ءَ جنک ھم ھوار اَنت۔ . آئی ءَ اے گپ ءِ سر ءَ اپسوز کت کہ ناکافی بنیاتی ڈھانچہ، سیکورٹی ءِ جیڈھ ءُ ھمے رنگ ءَ لھتیں چاگردی دود ءُ ربیدگاں اے جیڈھ گیش کتگ۔ آئی ءَ گوشت کہ پاکستان ءَ وانگ ءُ زانگ ءِ نابرابری آنی گیواری ءِ ھاترا یک مزنیں گامگیج ڈینش اسکول آنی جوڑ کنگ بوتگ، اے یک انچیں انفرادی گامگیج ءِ دیم ءَ آرگ بوتگ کہ میتگ ءُ دیمروئی نہ کتگیں دمگ آنی تہ ءَ ناداریں زھگ آناں جوانیں وانگ ءُ زانگ ءِ پھجارینگ ءِ ھاترا دیم ءَ آرگ بوتگ۔آئی ءَ گوشت کہ اے گامگیج نوں پاکستان ءِ دوریں دمگ آنی تہ ءَ زورگ بوھگ ءَ انت ایشی ءَ چہ وشیں ءُ گیش ھواریں باندات ءِ واستہ راہ پچ بوھگ ءَ انت۔ آئی ءَ مراگش ءَ ڈینش اسکول آنی زالبولیں گریجویٹ آنی ھوار بوھگ ءِ سر ءَ ھم وشھالی ءِ درشانی کت۔ آئی ءَ گیش گوشت کہ آھانی ھست بوھگ آھانی کوشست ءُ اجتماعی واب ءِ سرجمی ءِ گواہی اِنت چیاکہ آ اُمیت ءُ راج ءِ رژنائیں آیوکیں وھد ءِ مجسم اَنت۔ مزن وزیر ءَ گوشت کہ فلیگ شپ یوتھ پروگرام ءِ وسیلگ ءَ حکومت معیاری وانگ ءُ زانگ ءِ پھجارینگ، روزگار ءِ موہ پیداک کنگ ءِ واستہ جزم اِنت، ایشی ءِ تہ ءَ مصنوعی ذہانت، ڈیٹا اینالیٹکس ءُ سائبر سیکورٹی ھوار اِنت، ءُ مزنیں سوبمندیں مردم آناں لیپ ٹاپ ءُ اسکالرشپ ءِ پھجارینگ ءِ واستہ پیشہ وارانہ تربیت ءِ ھوار اِنت۔ مزن وزیر محمد شہباز شریف ءَ گوشت کہ اے مئے ذمہ واری انت کہ مئے مات ءُ گہار آناں وتی ھک آنی احترام کنگ بہ بیت، آوانی واھشت آناں پیلو کنگ بہ بیت ءُ آوانی واب آنی پیلو کنگ ءِ راہ ءَ ھچ وڑیں دود ءُ ربیدگ ءِ رکاوٹ مہ اوشتات مزن وزیر ءَ گوشت کہ زانت ءِ پد ءُ رند کنگ انت۔ یک مقدسیں فرضے پہ ھر مسلمان ءَ ، چہ جنس ءَ ابید ، کہ ایشی ءِ سر ءَ رسول اللہ صلى الله عليه وسلم ءَ زور داتگ ۔ مزن وزیر ءَ گوشت کہ راجدپتر زالبول آنی دلیری، جزم ءُ آجوئی ءِ گواہ اِنت ایشاں وتی وتی شوبگ آنی تہ ءَ دیمروئی کتگ، چاگردی غلامی ءِ زنجیر پرشتگ ءُ اسلامی راجدپتر ءِ لیو ءِ بنداتی روچ ءَ چہ چاگرد ءِ سر ءَ گہتریں اثر یلہ داتگ۔ آئی ءَ حضرت خدیجہ ءَ را یک سوبمندیں کاروباری زالبول ءِ الہام بخشیں مثال ءِ رنگ ءَ پیش داشتگ آئی ءَ گوشت کہ پاکستان ءَ راج ءِ مات محترمہ فاطمہ جناح ءَ وتی برات قائد اعظم محمد علی جناح ءِ سروکی ءِ وھد ءَ شانہ ءِ سر ءَ اوشتاتگ۔ پاکستان موومنٹ ءِ سرا شانک ءِ سرا اوشتاتگ اتنت۔ آئی ءَ پیسریگیں مزن وزیر شہید محترمہ بے نظیر بھٹو ءِ ازمت آناں شگر ءُ منت درشان کنان ءَ گوشت کہ آ مسلم دگنیا ءِ اولی زالبولیں مزن وزیر بوتگ۔ مزن وزیر ءَ مرحوم عرفہ کریم ءِ نام ھم گپت کہ آئی ءَ 9سال ءِ نازرکیں اُمر ءَ مائیکروسافٹ سرٹیفائیڈ پروفیشنل ءِ بستار ءَ راجدپتر جوڑ کتگ ءُ ملک ءُ راج ءَ را شان ءُ شُہاز داتگ آئی ءَ گوشت کہ پاکستان ءِ اولی بنجاھی وزیر مریم نواز ءِ وڑیں متحرک سیاسی رہشون ھم رھشونی کنگ ءَ اَنت۔ استان ءِ سرا ءُ زالبولانی سیاسی، چاگردی ءُ اقتصادی لحاظ ءَ توانمند کنگ ءِ ھاترا مدام دلبڈی دیگ ءَ انت۔ مزن وزیر ءَ دو شریک مسجد ءِ نگہبان شاہ سلمان ءُ ولی عہد محمد بن سلمان ءِ ھم منت واری ءِ درشان کت کہ آ کانفرنس ءِ کمک ءُ سرپرستی ءَ کن انت۔ آئی ءَ وانگ ءُ زانگ ءِ شوبگ ءِ واستہ مسلم ورلڈ لیگ ءِ ھم منت گپت مزن وزیر ءَ اسلام آباد ءِ اعلامیہ ءِ سر ءَ دستخط کنگ ءِ ھم جار جت کہ ایشی ءِ تہ ءَ اقوام متحدہ ءِ سلامتی کونسل ءِ مول ءُ مراد ءُ امت ءِ یکجائی واھشت آنی درشان کنگ بیت۔ زانگ بہ بیت کہ اے دیوان ءِ تہ ءَ 47 مسلمان ءُ دوستیں ملک آنی وزیر، سفیر، اکیڈمک ءُ زانتکار ھوار 150 ءَ چہ گیش میاں اوستمانی مزنیں مردم بھر زوری کنگ ءَ اَنت ءُ نوبل داد ءِ وارث ملالہ یوسفزئی ھم دیوان ءِ تہ ءَ بھر زوری کنگ ءَ اِنت۔ ایشی ءَ ابید یونیسکو، یونیسیف ءُ ورلڈ بینک ءَ ھوار جتا جتائیں میان اُستمانی گلانی نمائندہ ھم اے دیوان ءَ بھر زورگ ءَ اَنت۔
