اسلام آباد۔10جنوری (اے پی پی): مزن وزیر محمد شہباز شریف ءَ یورپ ءِ بالی گراب بندات کنگ ءَ پد پاکستان انٹرنیشنل ایئر لائنز ءِ اولی بالی گراب ءِ پیرس ءِ روگ ءَ پد الس ءَ را مبارک بات دیگ ءِ ساھت ءَ گوشت کہ پی آئی اے ءِ یورپ ءِ بالی گراب دوبر بندات کنگ بنت۔ زوت سروس ءِ بحالی ءَ چہ درملک ءَ نندوکیں پاکستانی آناں آسراتی رس ایت جمعہ ءِ روچ ءَ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ درملک ءَ نندوکیں پاکستانی آناں براہ راست بالی گراب آنی تہ ءَ چہ سیت چست کنگ بیت۔ ارباں ڈالر ءِ تاوان ءِ سبب ءَ راجی ایئر لائن ءَ را متاثر کتگ ات ءُ خدا ءِ فضل ءَ چہ سرکار ءَ راجی ایئر لائن ءِ عکس ءِ بحالی کتگ ات۔ مزن وزیر ءَ گوشت کہ پی آئی اے یورپ ءَ بالی گراب دوبر بندات کنگ ءَ پد دیمروئی ءِ نیمگ ءَ جنزگ ءَ انت اے درگت ءَ نائب مزن وزیر ءُ درئی کارانی وزیر محمد اسحاق ڈار، وزیر ایوی ایشن ءُ وزیر دیمپانی خواجہ محمد آصف، سیادی داروکیں ادارگ ءُ آوانی کارندہ لائک ءِ توسیپ اَنت۔
