پاکستان ازبکستان ءِ گوما دو نیمگی سیادی ءَ را گیش پراھی کنگ لوٹ ایت، ڈپٹی چیئرمین سیدل خان ءَ ازبکستان ءِ سفیر ءَ گوں گپ ءُ تران کتگ

اسلام آباد۔9جنوری  (اے پی پی):سینیٹ ءِ ڈپٹی چیئرمین سیادل خان ءَ گوشت کہ پاکستان ازبکستان ءِ گوما دو نیمگی سیادی ءَ را گیش پراھی کنگ لوٹ ایت۔ ڈپٹی چیئرمین سینیٹ ءَ گوشت کہ پاکستان ازبکستان ءِ گوما وتی دو نیمگی سیادی ءَ را سک باز ارزشت دنت ایشی ءَ چہ پاکستان ءُ ازبکستان ءِ پائیدار امن ءُ دیمروئی ءِ یکجائی وژن ءِ شریک بوھگ ءَ کمک رسیت۔ دو نیمگی سیادی ءَ را نوکیں بالاد ءَ سر کنگ ءِ ھاترا دوئیں ملک آنی تہ ءَ یک وڑیں دود ءُ ربیدگ ءُ قدر ءُ قیمت آنی تہ ءَ پارلیمانی دوستی ءِ گل آنی کرد سک باز المی اِنت۔ سینیٹ ءَ گوشت کہ سی پیک ءِ منصوبگ آنی سرجمی ءَ چہ پاکستان ءُ ازبکستان ءِ نیام ءَ تجارتی سیادی ءَ را گیش گہتر بوت کنت سینیٹ ءِ ڈپٹی چیئرمین ءَ گوشت کہ پاکستان ءِ مزن وزیر محمد شہباز شریف میاں اوستمانی ملک آنی نزیکیں ھمراہ اِنت۔ گند ءُ نند ءَ پارلیمانی، تجارت ءُ اقتصادی کمک ءَ را دیمروئی دیگ ءِ ھاترا یک کار ءِ لائکیں روڈ میپ ءِ جوڑ کنگ ءِ ضلورت ءِ سر ءَ زور پر دات ءُ پارلیمانی تک ءَ ھمگرنچی ءَ را گیش موثر جوڑ کنگ ءُ ڈل آنی تبادلہ ءَ را ترند کنگ ءِ سر ءَ تپاک کت۔ تعاون ءَ را مھکم کنگ ءَ انت۔ ازبکستان ءِ سفیر ءَ گوشت کہ مزن وزیر محمد شہباز شریف ءِ فروری ءَ ازبکستان ءِ تر ءُ تاب ءِ امیت انت ءُ یک مفاہمت نامہ ءِ سر ءَ ھم دستخط کنگ بیت اے وھد ءَ دوئیں ملک آنی نیام ءَ تجارت ءِ کساس 400ملین ڈالر انت ءُ ایشی ءَ را یکجائی کوشست ءُ تجارت ءِ دیمروئی ءِ وسیلگ ءَ گیش کنگ بیت۔ ازبکستان ءِ سفیر ءَ ڈپٹی چیئرمین سینیٹ سیدل خان ءَ را ازبکستان ءِ تر ءُ تاب ءِ دعوت ھم داتگ سینیٹ ءِ ڈپٹی چیئرمین ءَ گوشت کہ مزن وزیر محمد شہباز شریف ءِ ازبکستان ءِ تر ءُ تاب دوئیں ملک آنی نیام ءَ سیادی ءَ را گیش مھکم کنگ ءِ واستہ المی ثابت بیت۔