اسلام آباد۔9جنوری (اے پی پی):بنجاھی وزیر وانگ ءُ زانگ ءُ پیشہ وارانہ تربیت ڈاکٹر خالد مقبول صدیقی ءَ گوں مسلم ورلڈ لیگ ءِ جنرل سیکرٹری شیخ ڈاکٹر محمد بن عبدالکریم العیسیٰ ءَ پنجاب ہاؤس ءَ گند ءُ نند کت۔ پنچ شمبے ءِ روچ ءَ جاڑی بوتگیں بیان ءِ رد ءَ بنجاھی وزیر ڈاکٹر خالد مقبول صدیقی ءَ مسلم ورلڈ لیگ ءِ جنرل سیکرٹری شیخ ڈاکٹر محمد بن عبدالکریم العیسیٰ ءَ را پاکستان ءَ وش آتک کتگ۔ گند ءُ نند ءَ ڈاکٹر خالد مقبول صدیقی ءَ ایم ڈبلیو ایل ءِ منت گپت کہ آئی ءَ پاکستان ءَ انٹرنیشنل گرلز کانفرنس ءِ برجم داشتگ۔ اے موہ ءِ سر ءَ گرلز ایجوکیشن کانفرنس ءَ را کامیاب کنگ ءِ بابت ءَ گپ ءُ تران کنگ بوت۔ بنجاھی وزیر ءَ گوشت کہ جنک آنی وانگ ءُ زانگ ءِ ابید ھچ ملک دیمروئی کت نہ کنت، مئے جنک آنی وانگ ءُ زانگ ءِ موہ پجاری مئے اولی ترجی انت۔
