اسلام آباد۔9جنوری (اے پی پی): وزارت دینی امور ءَ سرکاری منصوبگ ءِ چیر دستی ءَ 5ہزار ھالیگیں حج سیٹ آنی واستہ 10 جنوری ءَ درخواست دعوت داتگ۔ وزارت دینی امور ءِ جارکش ءِ رد ءَ وزارت دینی امور ءَ 5000 ھالیگیںسیٹ ءِ ھاتر ءَ اولی رند ءَ اتکگیں مردم ءِ بنیاد ءَ درخواست دعوت داتگ۔ حج ءِ واھند کہ پیسر ءَ درخواست دیگ ءَ بے سوب بوتگ اَنت نوں اے اسکیم ءَ چہ پائدگ چست کن اَنت۔ 5ہزار ءِ کساس ءَ سر بوھگ ءَ پد درخواست آنی رسید بند کنگ بیت ترجمان ءِ گشگ انت کہ نامینتگیں درستیں بینک آنی سر ءَ اے پابند بیت کہ آ روچ پہ روچ رسوکیں درخواست آناں زوت پورٹل ءَ اپلوڈ بہ کن انت۔ نوکیں درخواست دیوکاں اولی 2 قسط ءِ واستہ 6 لکھ کلدار جمع کنگ بیت۔ قربانی یا الگیں کوٹی یے ءِ واستہ گیشیں ھرچ ءُ درچ بیت۔
