اسلام آباد۔ 11 جولائی (اے پی پی) بُنجاھی وزیر برائے ریلوے خواجہ سعد رفیق ئُُ نیشنل ڈویلپمنٹ ریفارم کمیشن ئِ ڈی جی چیو دونگ لی ئِ نیام ئ۔ یک دیوان ئِ وزارت ریلوے ئَ برجم دارگ بوت۔ بیجنگ ئِ نیشنل ریلوے ایڈمنسٹریشن ئِ یک گل ئِ اے موہ ئِ سرئَ ساڑی اَت۔ دیوان ئِ ایجنڈا یم ایل ون ئِ اپ گریڈیشن ئِ جوڑیشت ئُُ ایشی ئِ سرمایہ کاری ئِ رپک اِنت۔ دیوان ئِ ساھت ئَ چیودونگ لی ئَ گوشت کہ گوستگیں سئے سال آں چہ سی پیک منصوبگ ئِ سرئَ کار جوانی ئَ بوھگ ئَ اِنت۔ ایم ایل ون ئِ اپ گریڈیشن ئِ منصوبگ پشاور ئَ را کراچی ئَ گوں ھوار کنگ ایش کہ سی پیک ئِ دیمروئی ئِ یک مزنیں بھر اِت ئُُ ایشی ئَ چہ مردم آناں سک باز نپ ئُُ سیت رسیت ایش پاکستان ئِ معشیت ئُُ چاگردی دیمروئی ئَ بھر زورگ ئَ اِنت۔ ایم ایل ون ایجنڈا ئِ بنیاتی کلیت اِنت ئُُ این ڈی آر سی اے جاھ ئِ سرجمیں چار ئُُ تپاسی ئَ گپت۔ آئی ئَ گیش تران کُت کہ این ڈی آر سی، سی پیک ئِ دیمروئی ئِ ھاترا وتی شریکی ئَ کنت۔ خواجہ سعد رفیق ئَ گوشت کہ ایم ایل آئی منصوبگ روزگار ئَ را شائیگانی ئُُ ملکی دیمروئی ئِ گام آناں گیش ترند تر کنت۔
