چیئرمین سینیٹ ڈل اتون اوار سعودی عرب نا پنچ دے ئی دورہ غا روانہ

اسلام آباد۔ 25 نومبر (اے پی پی) چیئرمین سینیٹ سید یوسف رضاگیلانی ڈل اتون اوار سعودی عرب نا پنچ دے ئی دورہ غا روانہ مس۔ دوشنبے نادے آ سینیٹ سیکرٹریٹ نا کنڈآن جاری بیان نا رداٹ چیئرمین سینیٹ سعودی ایئرلائنز آن سعودی عرب آ روانہ مس، اودے دادورہ نا سلہ ءِ سعودی عرب نا شوریٰ کونسل نا چیئرمین خلکنے۔ سید یوسف رضاگیلانی نا دورہ نا مسخت ہڑتوم آکنڈآتا رابطہ و ادارہ جاتی کمکاری ءِ پین مون آ دننگ ءِ۔ چیئرمین سینیٹ نا کماشی ٹی ڈل سعودی شوریٰ کونسل نا چیئرمین ، گورنر مدینہ، گورنرریاض و ایلو بڑزکو کہول اوڑدہی کیک وخت اس کہ ڈل عمرہ ہم کیک۔