اسلام آباد۔24نومبر (اے پی پی):وفاقی وزیر ءِ اھوالکاری، شنگکاری، راجی میراث ءُ دود ءُ ربیدگ عطا اللہ تارڑ ءَ گوشت کہ وفاقی دارالحکومت اسلام آباد ءَ زندمان نارمل اِنت، سڑک پچ اَنت، لھتیں سڑک بند اَنت، ایشی ءِ ذمہ وار تحریک اِنت۔ انصاف است، شھمک ءِ امن ءُ ایمنی بحال بیت، کس ءَ اجازت نہ بیت کہ آ امن ءُ ایمنی ءَ پریشان بہ کنت، پی ٹی آئی ءِ مردم رضاکارانہ طور ءَ دزگیر کنگ ءَ انت، بانی پی ٹی آئی این آر او ءَ لوٹ انت، آہاں کنگی انت آہاں آمیدگساں نزیک کنگی انت۔ یک شمبے ءِ روچ ءَ وفاقی دارالحکومت ءِ جتا جتائیں دمگ آنی تر ءُ تاب ءِ موہ ءَ وفاقی وزیر ءَ گشتگ کہ وفاقی دارالحکومت اسلام آباد ءَ سڑک پچ انت، مردمانی روگ ءُ آیگ برجاہ انت، لھتیں سڑک بند انت ءُ ایشانی ذمہ وار پی ٹی آئی انت۔آئی ءَ گوشت کہ تحریک انصاف ءِ وتی مردم نہ لوٹ اَنت کہ آھانی سروک در بہ کپ ایت پنجاب ءَ ھوار جتا جتائیں دمگ آنی نیمگ ءَ چہ ھال ھست کہ پی ٹی آئی ءِ مردم وتی رضاکارانہ رنگ ءَ دزگیر کنگ ءَ اَنت پرچا کہ آ اسلام آباد ءَ بے سبب ءَ آشوب ءِ شنگ کنگ ءَ نہ لوٹ اَنت۔ آئی ءَ گوشت کہ امن ءَ را کس ءَ را پروش کنگ ءِ موہ دیگ نہ بیت، آشوب ساز آناں دزگیر کنگ بیت۔ آشوب ءِ شنگ کنگ تحریک انصاف ءِ راجدپتر انت، آہاں مدام سرکاری مال ءُ مڈی ءُ مردمانی جان ءُ مال ءَ تاوان داتگ، 2014 ءَ دھرنا ءَ آہاں پی ٹی وی ءِ سرا اُرش کتگ، پارلیمنٹ ءِ گیٹ ٹُکّ اِتگ، کبر سندگ کتگ، 9 مئی ءَ اُرش کتگ، شہیدانی یادگار، نشانگ جوڑ کتگیں دفاعی تنصیبات، آ انگت ہمے رھبند ءِ رندگیری ءَ کنگ ءَ اَنت۔ ایشانی لوٹ ایش انت کہ مارا گوں دیم پہ دیم بہ کن ات، این آر او ءَ بہ دئے ات، مئے سروک ءَ یلہ بہ کن ات بلے اے سرکارانی کار نہ انت، اے آمیدگسانی کار انت، اودا وتی کیساں جنگ بہ کن ات۔ آئی ءَ گوشت کہ حکومتی گامگیج آنی پد ءَ ملک ءِ معیشت راستیں کشک ءَ جنزگ ءَ انت، پالیسی ءِ شرح ءُ مہنگائی ءِ تہ ءَ کمی بوھگ ءَ انت، بیلاروس ءِ صدر پاکستان ءَ کیت، مرچی بیلاروس ءِ کاروباری ڈل پاکستان ءَ سر بوھگ ءَ انت۔تحریک انصاف ملک ءِ دیمروئی ءَ ہضم نہ کنگ ءَ انت، ملک ءِ معیشت ءَ را تاوان دیگ ءِ بالکل اجازت نیست انت۔ وفاقی وزیر ءِ اھوالکاری ءَ گوشت کہ وفاقی دارالحکومت ءَ امن ءُ ایمنی ءِ برجائی ءِ واستہ یک فورسے جوڑ کنگ بوتگ، کس ءَ را اجازت نہ دیگ بیت کہ آ قانون ءَ وتی دست ءَ بہ زوریت، کسے کہ ادا زھرشانی ءِ واستہ کیت آ دزگیر کنگ بیت۔ اگاں زھرشانی کنگ لوٹ اَنت گڑا وتی استان ءَ بہ رو اَنت ۔ وفاقی وزیر ءَ گوشت کہ سڑک آنی بند کنگ ءِ سبب ءَ سوداگر ءُ سوداگر آناں تاوان رسیت، تحریک انصاف ایشی ءِ ذمہ وار انت، آ سوداگر آناں تاوان دیگ لوٹ ایت، ملک ءِ معیشت ریل ءَ چہ کشگ لوٹ ایت، حکومتی معاملہ بوت نہ کن اَنت۔ کنگ بوتگ۔ تحریک انصاف بگوشیت کہ آ کجام سرکاری جیڈھ ءِ سرا دراتکگ انت ۔عطا اللہ تارڑ ءَ گوشت کہ بجلی ءِ سر ءَ پیسر ءَ چہ سبسڈی دیگ بوتگ، مزن وزیر ءَ زمستانی پیکج ءِ جار جتگ، زمستانی پیکج ءَ چہ زمستان ءَ ھم بجلی ءِ بل کم بنت، مہنگائی کم بوھگ ءَ اِنت، مہلوک ءَ را آسراتی پجاری کنگ بیت بلے آ اے گپ ءِ سر ءَ یکجاھ اَنت ۔ مارا احتجاج کنگی اِنت، آہانی احتجاج چے اِنت، آہانی یکیں لوٹ مئے رہشون ءِ یلہ کنگ اِنت۔ آئی ءَ گوشت کہ امن ءُ ایمنی ءِ برجائی حکومت ءِ ذمہ واری انت، وزیر داخلہ امن ءُ ایمنی ءِ واستہ جاور ھال آنی سر ءَ مدام چار ءُ تپاسی کنگ ءَ انت ءُ اے گپ ءَ را دل یکیمی کنگ بوھگ ءَ انت کہ وفاقی دارالحکومت ءَ سیکورٹی بندوبست جوان انت۔ آئی ءَ گْوشتگ راولپنڈی اسلام آباد ءَ امن بحال بیت، ھما کہ جنگ ءَ کاینت آ وت ماں وت جنگ ءَ اَنت، آشوب تالان کنگ لوٹ اَنت، وتی جند ءِ پارٹی آشوب ءِ آماچ اِنت ۔وفاقی وزیر ءَ گوشت کہ ما جزم ءُ امیت دار آں کہ جاور ھال امن ءُ ایمنی ءَ مان بنت۔ آئی ءَ گوشت کہ پاکستان ءِ معیشت دیمروئی کنگ ءَ انت، آ بیلاروس ءِ صدر ءَ را وش آتک کنت، آ پاکستان ءَ سرمایہ کاری ءِ واستہ کیت، آئی ءَ را گوں گرمیں وش اتک ءَ کنت۔ آئی ءَ گوشت کہ گوستگیں روچاں پاکستان ءَ ایس سی او کانفرنس ءِ بندوبست کتگ، ادا دوستیں ملک سرمایہ کاری کنگ ءَ انت۔ تحریک انصاف ءَ مدام دوستیں ملکانی گوما سیادی ءَ را ھراب کنگ ءِ کوشست کتگ نوں آ اسلام آباد ءَ آشوب تالان کنگ ءَ پیداک انت ۔آئی ءَ گشتگ کہ آ وتی صوبہ ءَ امن ءُ ایمنی ءِ کنٹرول ءَ بہ کن انت، کرم ایجنسی ءِ مہلوک ءَ کس پرواہ نہ کنت، کرم ایجنسی ءَ انگت ءَ زھمک شانی برجاہ انت۔ تحریک انصاف ءِ اسلام آباد ءَ بوتگیں زھرشانی ءِ مول ءُ مراد ءُ لوٹ ءَ کس نہ زانت ۔ آئی ءَ گوشت کہ معیشت دیم ءَ روان بیت، ھما مردم کہ معیشت ءَ را ریل ءَ چہ کشگ ءِ کوشست کن اَنت آھاں گوں سکیں شدید ءَ دیم پہ دیم کنگ بیت۔ ایشی ءَ چہ پیسر وفاقی وزیر اطلاعات عطا اللہ تارڑ ءَ وت گاڑی ءِ ڈرائیونگ ءَ اسلام آباد ءِ جتا جتائیں دمگ آنی تر ءُ تاب کتگ۔ اے موہ ءِ سر ءَ آئی ءَ پولیس ءِ مرد ءُ افسراں گوں گند ءُ نند کتگ ، زھگ ءُ ھاندان ءَ گوں ھم گند ءُ نند کتگ ۔
