اسلام آباد۔23نومبر (اے پی پی):بنجاھی وزیر تہی کار محسن نقوی ءَ گشتگ کہ ما اسلام آباد ہائی کورٹ ءِ پرمان ءِ پابندیں، ما ہچ وڑیں جلوس، دھرنا ءُ جلسہ ءِ اجازت دات نہ کنیں تحریک انصاف ءِ چیئرمین بیرسٹر گوہر ءَ گوں رابطہ کنگ بوتگ۔ شمبے ءِ روچ ءَ بنجاھی وزیر تہی کار ءُ بیرسٹر گوہر ءِ نیام ءَ استیں جاور ھال آنی سر ءَ سرجمیں گپ ءُ تران بوتگ۔ وزارت تہی کار ءِ نیمگ ءَ شنگ بوتگیں تفصیلات ءِ رد ءَ بنجاھی وزیر تہی کار ءَ اسلام آباد ہائی کورٹ ءِ پرمان ءَ پد بیرسٹر گوہر ءَ را جاور ھال ءِ بابت ءَ سرپد کتگ ءُ گشتگ کہ ما اسلام آباد ہائی کورٹ ءِ پرمان ءِ پابند ایں ۔ آ ہچ وڑیں جلوس، دھرنہ ءُ ریلی ءِ اجازت دات نہ کن انت آئی ءَ بیلاروس ءِ صدر ءِ سروکی ءَ 80باسکی مزن تک ءِ ڈل ءِ کار ءُ کرد ءُ تفصیلات ءِ بابت ءَ ہم سرپدی دات۔ آئی ءَ گوشت کہ بیلاروس ءِ مزن تک ءِ ڈل 24نومبر ءَ اسلام آباد ءَ سر بوھگ ءَ اِنت وھدیکہ بیلاروس ءِ صدر 25نومبر ءَ پاکستان ءَ سر بیت۔ بنجاھی وزیر تہی کار ءَ گوشت کہ بیلاروس ءِ ڈل 27نومبر ءَ تاں اسلام آباد ءَ مانیت۔ بیرسٹر گوہر ءَ بنجاھی وزیر تہی کار ءَ گوں تران کنان ءَ گوشت کہ پارٹی مشورہ ءَ چہ پد گڈی رائے ءِ بابت ءَ شمارا سرپد کناں۔
